LEITHUM FAINA LAMTLUANG

Leithum khua hi Khawbung RD Block a awm a ni a, Champhai atanga kilometre 51 a hlaa awm a ni a, Leithum khua hi khaw fai lo leh bawlhhlawh ve thei tak mai a ni thin a, an khaw hruaitute chuan an ngaipawimawh em em  a, nimahsela hma han lak hi a harsa thei em em a ni.

SBM-G hmalaknain Gram Sabha te kovin ‘Sanitation and Cleanliness’ awareness campaign te neih a nih hnuah Leithum khua hian faina leh thianghlimna lamah nasa takin hma a lo sawn chho thei ta  a ni.

Leithum khuaah chuan an Swachhagrahi Pu Zodinmawia kaihhruaina hnuaiah an khaw naupang te nen khaw tifaiin hnatlang an nei a, hetia hnatlang an neih avang hian an khuaa bawlhhlawh tla leh khawlai balte chu nasa taka lo fai phahin Leithum khua chuan faina leh thianghlimna lamah nasa takin hma a sawn phah a ni.