Orientation & Capacity Building of Jal Seva Aankalan (JSA) training neih a ni

PHED Serchhip

Orientation & Capacity Building of Jal Seva Aankalan (JSA) training neih a ni

Ni 20.1.2026 (Thawhleh ni) hian Central Sawrkarin Jal Jeevan Mission enkawlzui zelna tur a program a duan chhuah Jal Seva Aankalan (JSA) pualin Serchhip District chhung a Rural WATSAN Chairman leh Secretary te tan training buatsaih a ni a.


He training hi PHED Serchhip Meeting Hall ah neih niin Er. Isaac Lalchhuanmawia Sr. EE in a kaihruai a, kalkhawm te chibai bukna thu leh training inkoh a nihna chhante sawi hawngin inhmelhriattirna hun a hmang.


Er. Vanlalmuanawma, SDO in Jan Bhagidari chungchang inzirtirna presentation hmangin a nei a, Sawrkarin hmalakna te lo thlawp tlat turin kalkhawm khawtlang hruaitute a sawm.


Er.T Mangliandinga Sr SDO, E.Lungdar chuan Rural Water &Sanitation topic hmang in zirtirna a nei bawk.

Samuel Lallawmzuala District Coordinator in Jal Seva Aankalan (JSA) chungchang sawiin Self Assessment hmanga Central Sawrkarin min vil zui na tur program a nih thu te a sawi a, JJM program kal zel tur atan a pawimawh tak a nih angin ngaipawimawh turin kalkhawmte a chah a ni. Self Assessment hi January 26 hmaa zawh vek tur anih avangin a rang lama hma lo la theuh turin a chah.
Chairman in a sawm angin Pi Kawlnipuii, Chemist in Water quality monitoring chungchang a sawi bawk.
Er. Thangliana Chhangte SDO in lawmthusawina neiin training hi tihtawp zui a ni