World Water Day 2021 Hman a ni
Dt. 23 March 2021, Aizawl: World Water Day chu Vanapa Hall, Aizawl ah PHED leh CYMA te huaihawtin Programme siam a ni a. City Branch 104 atangin Branch aiawh mi pahnih(2) theuh lo kal in, CYMA hruaitute leh PHED Staff te nen hun hman a ni. Pu Tawnluia, Dy. Chief Minister chu Khuallian a ni a. CYMA President leh Khuallian te hian thusawi na hun an hmang bawk a. Tin, Thutiam sawi rualna hun neih bawk a ni.
Kumin World water day Thupui chu ‘Valuing Water’ tih a ni a, chu chu ‘Tui ngaihhlut’ tih a ni. Thupui hi point hrang hrang a then a ni a, chungte chu – Tui Hnar Ngaihhlut, Tui dahkhawlna, Sawngbawlna leh a pek chhuahna ngaih hlut, Tui hnathawktute ngaihhlut, Ram hmasawnna atan a tui pawimawhna ngaihhlut leh hnam leh sakhuana a tui pawimawhna ngaihhlut te an ni.
World water Day pual hian Jal Shakti Abhyian hnuaia hmalak turin Van ruaitui khawl tura inzirtirna Thla riat (22.3.2021 – 30.11.2021) awh tur Prime Minister Shree Narendra Modi in – “Catch the Rain, where it falls, when it falls” campaign a hawng nghal dawn a, Ram chhunga DC zawng zawng te hmaah thu a sawi bawk dawn ani. World water Day hmangtute sawi rual tur tui humhalh tura Thutiam (Water Pledge) siam a ni bawk.
World Water Day hi State Khawpui Aizawl bakah District Headquarter, Sub Division/Block Headquarte leh Khaw hrang hrangah Bialtu DC/SDO/BDO te nena hmang tura ruahmanna siam a ni bawk. He mi ni hian JJM hnuaia khaw hrang hrang inelna “Inter-Village Competition on Water & Sanitation Planning” buaitsaih tawhte lawmman sem a ni bawk.