JAL ARPAN DIWAS HUN HMANG
He hun hmanna inkhawm hi Hriangtlang Community Hall ah neih niin Er. Isaac Lalchhuanmawia Sr.EE PHED chuan Khuallian niin a hmanpui.
He hun hi Hriangtlang Main Reservoir hmunah bul tanin Jal Bandhan Ceremony hman a ni a. Jal Walk neih chhunzawm niin Community Hall thleng kawng zawh a ni.
Pu Samuel Lallawmzuala, District Coordinatorin he hun hi kaihhruaiin kalkhawm mipuite lawmna thu leh Program hman a nih chhante a sawifiah a, Upa C. Lallianzuala’n hunserh hmangin Private High School Hriangtlang ten Jal Bandhana (Cultural performance) Cheraw lam an entire bawk.
Jal Sankalp (Water pledge) Tui vawng thianghlim tur leh humhalh tur a thutiam lakna hun hman zui niin, Pi PC Lianremgpui, JE hoin FTK trained person (Five Women) ten tui test dan a takin an entire bawk.
Chief Guest Pu Isaac Lalchhuanmawia chuan thu sawiin he hun hman a nihna chhan te chiang zawkin a sawifiah a, JJM scheme kaltlanga tui lak te Khawtlangah kutah hlan a lo nih tawh tho dan te sawi langin, Central Sawrkarin Jal Arpan Diwas a rawn ruahman takah chuan vawiin hun hi Official taka khawtlang kut a hlanna ni a pawm tur a nih thu a sawi. He hun hmanna tur a Hriangtlang khua thlan a nih dan te a sawilang bawk.
Sawrkar chuan tui hnianghnar zawk kan neihna tur a a tih theih sang tak a ti tawh thu sawiin heng kan tui lakna hnar lo humhalh te leh tui hniahnar zawk kan neih zelna tura Operation & Maintenance hna thawh hi mipuite kut a nih tawh dawn thu a sawi a, neitu kan nih inhria a thahnemngaihna rilru kan put chhoh a kan ngaipawimawh a tul hle a ni a ti bawk. Tin, a enkawl na khawngaih hma la tu ber WATSAN ten ruahmanna a siam te lo zawm a, tui fee pe tha tur in mipuite a sawm a, harsatna kan tawk a nih chuan Department te pawn theihtawp an chhuah zel tur thu a sawi.
Pu Remlalruata, VCP Hriangtlang in thusawina hun hmangin JJM Scheme avang leh thawktu PHE Department a kan hotute zarah Hriangtlang khua in tui an hnianghnar thu sawiin, hemi enkawl kawnga an hmalak dan te, tuihnar an humhalh dan te a tarlang a, hun lo kal tur a tan a ruahmanna an siamte a tarlang bawk.
He tui inhlan chhawna hi Sr.EE, PHED leh VCP ten hming sign in an nemnghet a, Er.Vanlalmuanawma, SDO Serchhip in lawmthu sawina neiin hun tih tawp a ni.
