MEETING ON CONVERGENCE BETWEEN PHED & UD&PA REGARDING SOLID WASTE MANAGEMENT

PHED Serchhip

In the presence of Engineer-In-Chief, PHED

Dated 27th May 2025 10:00 AM khan Solid Waste Management Convergence chungchangah PHED leh UD&PA Department ten SWMC,Lungrual Serchhip ah meeting neih a ni.

Chairman DWSM Paul L Khuma Deputy Commissioner Serchhip

Member kalte :

1. Er. H. Duhkima, Engineer-in-Chief, PHED -Chairman

2. Pu Paul L. Khuma, Deputy Commissioner, Serchhip

3. Er. Ropuia Hmar, S.E (Urban)

4. PuLalrinzuala, Additional Deputy Commissioner, Serchhip

5. Er. NetralalJaisy, Sr. EE, (Rural)

6. Pu Gaston Vanlalhriatpuia, DUDO, UD&PA Serchhip

7. Represent – DI&PR

8. Pu R. Sanghmingthanga, Joint VC Chairman, Serchhip

9. Pu R. Lallianvunga, Represent – New Serchhip North VC

10. Green Herd SP

Er. H. Duhkima, E-in-C, PHED in meeting kaihruaiin member kalte lawmna thu a sawi a, Solid
Waste Management kal zelna tur chungchang a kan inhmuhkhawm a pawimawh zia thu a sawi.

Tun dinhmunah Central Sawrkar in hna reng reng Convergence a thawh tur a ruahman deuh vek tawh thu sawiin chu chuan hna thawh chungchangah harsatna a thlen thin thu a sawi a, a bik takin funding chungchangah harsatna a tam thin thu a sawi bawk. Chutih mek lai chuan Department pahnih ten thawhhona tha kan neih chuan hna tha tak a kal theih thu leh a hmasawnna lian tak thlen thei a nih thu sawiin, PHE Department te leh Rural VC ten bawlhhlawh sawngbawlna kawngah hian thawhhona thuthlung kan neih tawh thu te a sawi a, bawlhhlawh khawn chungchangah te leh fee lak danah te inremna siam a nih tawh thu a sawi bawk. Green Herd SP te leh PHE Department ten inremmna an siam zui thu a tarlang a, Green Herd SP te hian chak taka hma la zuiin tunah hian Plastic bawlhhlawh sawngbawl hna thawh tan theih tep a ni tih a sawi a, hemi atana mamawh khawl hrang hrangte pawh a hmunah bun fel a nih tawh thu a sawi bawk.

Member kal ten Solid Waste sawngbawl chungchang a an experience te leh an hmathlir hrang
hrangte sawi in, invenna tur leh hmasawnna tur hrang hrang ngaihthlak a ni.

Pu Paul L. Khuma, Deputy Commissioner chuan Serchhip mipui te hnenah nasa zawka Awareness campaign neih a la tul thu te, Department hran atanga funding kal hun in ang lo avanga harsatna awm thei a nih avangin Department pahnih ten hemi atan a kan sum hmuhte Green Herd SP Private Agency ah chhung luh zel mai a fuh a rin thu te a sawi bawk.

Er. H. Duhkima, E-in-C chuan, PHED leh UD&PA te chu Bawlhhlawh sawngbawlna hmun inngheng reng a kan neih dawn avanga thawkho lo thei lo kan nihna te a tarlang a, kawng thuah te, tui leh power supply ah te chiang sa a thawhho ngai kan nih thu a sawi a, heng bakah hian kawng hrang hrangah in lungrual taka kan thawh ho ngei a beisei thu a sawi. UD&PA lam te pawhin an motor te phal taka an hmantir theih tur thu an sawi avangin lawmthu a sawi.

Meeting chuan hetiang hian resolution siamin State Level meeting a thlen turin a pawm.

  1. Department pahnih PHED & UD&PA, Green Herd SP leh VC te tangkawpin Serchhip District
    hnuaia khawpuiahte awareness campaign nasa taka a neih ni se.
  2. Department pahnih PHED leh UD&PA te chuan he bawlhhlawh sawngbawlna hmun hma leh
    mimal enkawltu (private firm- green herb) hi remchang ang anga chawmdawl leh
    tihchangtlun zel hi tha kan ti.
  3. Solid Waste Management hmun te hi Private Firm te nen Agreement mumal tak siam a
    enkawl tir hi tha kan ti.
    Chairman Er. H. Duhkima, E-in-C chuan lawmthu sawinna in meeting hi a khar.