DISTRICT SOLID WASTE MANAGEMENT chungchang meeting neih a ni

Dated: 30th January 2025 (Ninga ni) Dar 11: 30 a.m. khan Paul L Khuma, DC Serchhip hovin District Solid Waste Management chungchang leh 15th FC chungchanga PHED ten ruahmanna kan siam chu sawiho na neih ani a.

Er. Isaac Lalchhuanmawia, Sr. EE PHED Serchhip chuan presentation pe in tuna SBM-G hnuaia Plastic Waste Management din tura ruahman mek chu UD&PA hnuaiah Proposal awm mek mahse Urban leh Rural a kalpui theih dan PHED in rawtna a thlen chu tha a tih thu a sawi a, hemi atan hian Green Herd ten a tul angin UD&PA te nen ruahmanna an lo siam chhunzawm nghal dawn a ni.
15th Finance Commission (GPDP 2025-26) chungchang sawihona neih nghal niin, Sanitation lamah Plastic Waste Management Centre ah 5.6% theuh dah ve leh FSM 11% (Urban) in dah ni se ti a rawtna lo lut chu Joint VC lam atangin harsatna a awm loh thu ngaihthlak anih hnu in, inlungrual taka pawm a ni. Vawiin ni thleng a proposal lo lut pawh siam danglam leh nghal a,LAD lamah a rang lama thawn tura buatsaih nghal nise tih ani bawk.

Meetingah hian UD&PA Joint Director, DUDO leh DLAO lam bakah I&PR bakah Joint VC te an tel a, Green Herd SP Pvt te an tel a ni.
A hnuaia tarlan te hi kalkhawm te thu rel chu a ni.
MEETING MINUTES
AGENDA :
- Discussion on Areas of intervention of stakeholders.
- Financial plan and estimate for ‘Convergence Plan for Solid Waste Management’ Serchhip
District. - Update on waste collected by Green Herd.
- AOB.
Chairman Pu Paul L.Khuma, Deputy Commissioner Serchhip in member lo kalte lawmna
thusawiin, meeting koh a nih chhan te sawifiahna neiin Serchhip District tana tha tur leh hmasawnna tur
thil anih avangin memberte chu ngun taka thil ngaihtuah chunga ngaihdan te sawi turin a sawm a,
PHED Serchhip WATSAN Division ten ruahmanna an siam chu Presentation pe tura a sawm angin Er.
Isaac Lalchhuanmawia, Sr. EE chuan presentation pe in sawifiahna hun a nei.
Er. Isaac Lalchhuanmawia chuan PHED ten Solid & Liquid Waste Management chungchanga
Department in ruahmanna a siam te sawiin mihring ek paihna leh sawngbawlna Feacal Sludge
Management Unit (FSMU) chu 15th Finance Commission nen a tangkawp a kalpui dan a awm thu te,
70% hi SBM-G atanga converge theih anih thu te bakah Serchhip chhungah Ek paihna mumal a awm
loh thu te a sawi a, chumi atana hmalak ve a that thu sawiin 15th Finance Commission nena tangkawp
hian Champhai District ah kalpui anih tawh thu sawiin Serchhip District ah chuan requirement a la san
loh avangin project lian pui nilo a kalpui a theih dan te sawiin Meeting-in tha a tih anih chuan bawhzui
nghal theih thil anih thu a sawi bawk. Faecal Sludge Management Centre din tur hian SBM-G atangin
70% tum a theih thu leh 30 % hi 15th Finance Commission atang tum tur anih thu sawiin heta 30% 15th
Finance Commission atanga tum tur hi 11% teuh Urban VC ten lo tum se tia rawtna a siam chu meeting
chuan a pawm a, a tul angin PHED in hma lo la chhunzawm se tih a ni.
Solid Waste Management chungchanga PHED leh Green Herd SP Pvt.Ltd ten thawhhona neih
mek leh hma an lak dan chungchang sawi chhunzawm in Sr.EE chuan tuna UD&PA hnuaia District
Solid Waste Management Centre buatsaih tura proposal awm mek a chu function tura hun a la duh
deuh dawn avangin tuna SBM-G hnuaia hmalakna awm mek a hi Thingtlang leh Khawpui ah lo hman
khawp rih chu tha a tih thu leh hemi atana Green Herd SP Pvt.Ltd in hma an lo lak nasat tawh dan leh
an mahni sum leh phai an hman nasat zia te, an phurna zawng zawngte chu hlu a tih thu leh
Department ani emaw, District level ang pawha thlawp that a ngaih thu sawiin chumi atana PHED,
UD&PA, Green Herd leh VC te thawh ho vek a hmalak theih nise tiin rawtna a siam a, he Solid Waste
Mangement Centre tur atan hian SBM-G atanga 16 lakh pek anih bakah hian 15th Finance Commission
2025-26 ah hian Sanitation Sector atangin khaw tin in 5.6% teuh hemi atan hian thawh ve ni bawk se tia
rawtna a thlen chu sawi hona neih chhunzawm nghal a ni a, Serchhip Town Joint VC aiawh atangin 15th
Finance Commission atanga 5.6% lo thawh ve chu harsatna a awm loh thu ngaihthlak a nih hnuah
committee chuan tha a ti a, a tul anga hmalak chhunzawm nghal turin a pawm a ni.
Pu Gaston Vanlalhriatpuia, DUDO in rawtna a siam angin Green Herd SP Pvt leh UD&PA te
thawh hona tur chu District Sanitation Task Force Committee ah thlen leh nise tih a ni a, a tul angin
UD&PA leh Green Herd SP te hian lo bawhzui zel se tih a ni bawk.
15th Finance Commission 2025-2026 Tied Fund chungchanga works submit tawh pawh a tul
anga siamthat a, a rang lama LAD te hnena submit tura tih a ni bawk.
Chairman sawm angin Pi C.Lalduhzuali, Joint Director UD&PA chuan SBM-Urban hnuaia Solid
Waste Management Centre chungchanga hmalakna awm mek te sawifiahna a nei a,Thenzawl leh
Serchhipah Solid Waste Management Centre din tur chu Civil Works atan tender tihchhuah a ni tawh
thu leh hna tan tur chuan hun a la duh deuh a rin thu sawiin chumi chunga District level a Department te
thawhhona awm thei chu tha a tih thu a sawi a ni. Hemi bakah hian North Vanlaiphai a Solid Waste
Management Centre dinna tur tender chu VC Election zawh ah tihchhuah theih a nih a rin thu a sawi
bawk.
Pu Lalrinzuala, Addl.DC chuan Clean Serchhip kalpuina tura budget siam te sawifiahna a nei a,
ruahhmanna a siam ang hi tha tih niin meeting chuan a pawm bawk a ni a, Clean Serchhip kalpui tura
ruahmanna hrang hrang siam leh mawhphurhna in pek ah School Education Department lam atanga
Nodal Teacher ruat vek tur leh Addl. DC tel a Whatsapp group siam a chak zawka hmalak theihna tur a
ruahman la tih loh chu a rang lama lo siamfel nghal turin SDEO chu mawhphurhna pek a ni.
Chairman Pu Paul L. Khuma chuan UD&PA hnuaiah Solid Waste Management Centre
hmalakna awm mek leh tuna PHED hnuaia kalpui tum chu Duplication nilo in, Department pahnih te
thawhhona (Convergence) a nih thu a sawi a, lawmthu sawina nen meeting hi a khar a ni.