Siaha ah Tuihna humhalh beihpui thlak ani

PMU PHED

2nd Feb 2024 zirtawpni khan YMA Chhimtuipui group leh Project Management Unit,PHED Mizoram te huai hawtin Environment Protection Awareness Programme Siaha ah hlung taka hman ani a, khuallian ah Er H Duhkima, Director, Project Management Unit, PHED Mizoram chu hman ani.Chhun lamah Siaha khawpui tui lakna – Tuitlawk lui thian faiin YMA member te hi an hnatlang a,PHE Official ten an ṭawiawm bawk. Zan lamah YMA Hall New Colony ah Environment Protection Awareness prog hlung takin hman zui ani. Zan hun hi Prof Chawngkhuma Chawngthu, President YMA Chhimtuipui group chuan a kaihruai a, Branch zaipawl,mimal zai, hnam lam leh Live band te ngaihthlak ani.Khuallian Er H Duhkima chuan YMA Chhimtuipui group ten PHED te hmalakna ṭha taka in lo thawhpui tawhna ah lawmthu asawi a,Tuihna humhalh video intihsiak pawh Mizoram ah a tel ṭha ber leh tihtak ber group an nih thu a sawi.Tuihna kiam zel ah a awmsa kan humhalh a, tihpun lam ah ṭan kan lak sauh sauh a ṭulzia te,renchem a ṭulzia te uar takin a sawi.Tui hi kan nunna – kan thlarau nun nen inzawm tlat ani.Kan nunna lo hi kan buaipui hnem lutuk, kan nunna hi i buaipui ang u, i duat ang u a ti.He mi hun ah hian Tuihna humlhalh leh tihpun tih hmanga Essay inziak siak lawmman chu Er Viasai Solo,EE, PHED Siaha chuan a sem a, kum 2022 ah tuihna humhalh drama Branch hrang hrang te chan lakkhawm video chu kalkhawm te hian an thlirho bawk.Environment Protection Awareness ah hian Siaha khawpui chhung YMA Branch bakah khawpui pawn a YMA Branch te pawh an lo tel bawk ani.Khuallian hi SE Lunglei bakah Aizawl leh Siaha a PHED Official ten an ṭawiawm ani.