KOLASIB VC-TEN FFC SUM HMUH LEH HMAN DAN TRAINING NEIH A NI- Tied Fund hi tui leh faina atan chauh hman tur- Director, PMU

PHED Kolasib

Public Health Engineering Department chuan Kolasib District chhung Village Council President leh Secretary te pualin ‘Fifteen Finance Commission(FFc) kaltlanga sum hmuh leh hman dan training a buatsaih a, hun hmanpuitu Er.H.Duhkima, Director ,Project management Unit.PHED chuan FFc atanga lokal sum chu hman dan tur diktak a sawi.

Training hi Er. Lalrosangi PHED, Koalsib WATSAN Division chuan a kaihruai a, Kolasib District chhunga VC 56 te hnenah tel tura sawmna pek vek an ni. ST Lalhmingmawia, DLAO chuan ‘Preparation of Annual Action Plan under FFC tih a zirtir a, Er. Lallawmpuia Sawthly Sr.SDO, Kawnpui WATSAN Division chuan ‘ Preparation Of annual Action Plam Under FFC (Tied Fund) chungchang a zirtir tel ve bawk.

Training ah hian Director, PMU chuan Department PHE-in faina kawngah hma an lak thu leh khaw tinah VC te kaihhruaina a din WATSAN Committee te nen thawhhona tha an neih a tul thu a sawi a, FFC sum hman a ngaihthu te, ” Fai turin tui kan mamawh a, faina leh tui hi lakhran theih a ni lo a, khawtlang hrisel leh hmasawn tur chuan kan fai a ngai tiin fai chu FFC thil tum ber a ni tih a sawi.

Khawtinte tui mamawh khawp nei turin VC te an pawimawh tih pawh Director hian a sawi a,” kan khua hi ngaihtuah hmasak berah tui kan neih loh chuan kan campaign tha tawk lo tihna a nin a, tui tel lovin tumah kan khawsa thei lo, kan khua theuh hi tui ah kan intodel;h loh chuan ngaihtuah a ngai a ni mai,” tiin FFC sum chu khawtlangah tui tam tawk a awm theihnan leh tui hna siamnan hman tur a nih thu a sawi.