INAUGURATION OF DAMDIAI WATER SUPPLY SCHEME

PHED Mamit

Vawiin ni 8th September, 2023 hian Damdiai khua, Mamit District-ah Water Supply Scheme (Solar Pumping) hawnna hun hman a ni.

Bialtu MLA Er. H. Lalzirliana chu khuallian niin, kan khuallian hian Water Tank thar bulah dar 3:00pm ah Solar Pumping leh Water Tank thar hawnna a nei a, programme dang erawh chu Damdiai Primary School-ah dar 3:30pm atangin hman chhunzawm a ni.

Er. Helen Saibuangi, EE PHED Mamit WATSAN Division chuan hun kaihruaiin Er. Malcolm Lalhmingliana, Sr. Sub-Divisional Officer, Mamit WATSAN Sub-Division chu thusawi turin a sawm a, ani hian Damdiai khua chu khaw vannei tak an nih thu leh an tui hna te alo kang chat mai loh nan theihtawpa hma la chhunzawm zel turin a fuih a, thu a sawi zawh hnuah hian Roliana Colney chu zai tura sawm a ni a, zai mawi tak te kan ngaihthlak zawhin Damdiai Village Council Secretary chu thusawi tura sawm a ni a, ani hian an khua(Damdiai) chu tui hnianghnar taka an awm ta chu lawmawm a tih thu leh faina leh thianghlimna kawngah pawh theihtawpa tan an lak zel tur thu a sawi a, MLA leh PHED chungah an khaw aiawh in lawmthu a sawi bawk a ni.

A tawp berah kan khuallian, bialtu MLA ni bawk, Er. H. Lalzirliana chu thusawi tura sawm a ni a, khuallian hian Damdiai khua chu tun hma chuan tui harsatna ber khua te zinga mi an nih thin thu leh, tuna tui hnianghnar taka an han dawng thei ta chu lawmawm a tih thu a sawi a, sawrkar in an khaw changtlung zel theih nan kawng hrang hranga hma lak chhunzawm zel a tum thu te leh sawrkar in hma a lak chak theih nana an Damdiai khaw mipi te chu lo in hawng reng turin a fuih bawk a ni.

Khuallian in thu a sawi zawh hian khuallian leh hun kaihruaitu Er. Helen Saibuangi, EE PHED Mamit WATSAN Division leh Er. Malcolm Lalhmingliana, Sr. Sub-Divisional Officer, Mamit WATSAN Sub-Division te hnehah Damdiai NGO hrang hrang te hnen atangin par thi awrh tir anni a, hun tih tawp a ni.

Programme te hman zawh a nih hnu hian ruai buatsaih a ni a, he hunah hian Damdiai khaw mipui te leh MLA bakah PHED Staff ten ruai an kil a ni.