Dt: 5th June, 2023 (Vawiin ni) khan Swachh Bharat Mission(Grameen) hnuaia hmalakna in Pu Samuel Lallawmzuala, District Coordinator chuan “Faina leh Tui Renchem” tih thupui hmangin Serchhip khua a school thenkhat tlawhin zirlai naupangte hun a hmanpui a. He hunah hian Swachh Bharat hnuaia zirlai mamawh zual te hnena notebook sem tur lo thleng te leh poster sikul a an tar tur semna hun hman nghal a ni a. Pu Samuel Lallawmzuala hian notebook an sem tak te chu tangkai taka hmang turte, faina leh thianghlimna kawng a naupangten an phak ang tawk theuh a tan la a, thianghlim tak a nun hmang turin a chah a. Tunlai khawvelah tui lamah harsatna kan tawh chhoh mek zel avangin tui renchem deuh deuh turin a fuih a ni.
He hunah hian Notebook mai bakah IEC message pawimawh tak “Kan sikulah chuan” tih chuanna poster tar tur sem nghal niin, zirlai leh zirtirtuten lawm takin heng thilpek te hi an lo dawng a ni.
