Mamit District ah Pump Operator TrainingNeih A Ni.
March ni 6-10 chhungin Project Management Unit (PMU) Mizoram leh PHED, Serchhip WATSAN Division buatsaihin Jal Jeevan Mission (JJM) hnuaiahMamit District a Kawrthah khuaah Pump Operator training neih a ni a. He training ah hian thingtlang khaw hrang hrang khaw 16 atangin mi 2 theuh telin, training hi tluang takin an zo fel thei a ni.
March ni 6, Thawhtanni khan YMA RUN,Kawrthah North ah Er.F.Liantluanga, Engineer-In-Chief, PHE chuan training hi a hawng a. Training ah hian Theory Class bakah Practical Class te neih pui a ni.
March ni 7, Thawhlehni ah Kanhmun Solar Pump leh Zawlnuam Pump House te tlawh in zirtirna neihpui an ni a, hetah hian Solar Pump in hna athawh dan leh a enkawl dan te Practical a neihpui leh an ni.
Tin, March ni 9, Ningani khan Er V.Laldanmawia, SDO Mamit kaih hruaina in Tuirum Solar Pump leh Terirei Pump House te tlawh leh ni in Solar Pump in hna athawh dan leh a enkawl dan te Practical a neihpui leh an ni bawk.
Training hi tluang tak a hman ni in training chhung hian Er V.Laldanmawia, SDO Mamit leh Ee Lalawmpuia, SDO Kawrthah ten zirtirna an pe a. Ni 10.March.2023 Zirtawpni khan Er Helen Saibuangi, EE, PHED Mamit WATSAN Division chuan Certificate leh khaw tin a WATSAN ten an mamawh material semna hun hmang in training hi a khar a ni.
