MIZORAM ATANGIN PRESIDENT’S AWARD DAWNG

Pi HS Lallawmpuii – Sairep khua chuan ni 4/03/2023 khan President of India hnen atangin ‘Water Warrior’ award a dawng.

He award hlanna inkhawm hi Vigyan Bhavan, New Delhi-a “Swachh Sujal Shakti Samman” programme khuh hawn ruala hman niin, he hun hi India rama hmeichhia, faina, tuihna humhalh tha leh water supply system enkawlnaa thawhhlawkte chawimawina atana buatsaih a ni a; India rampum atangin Water warrior award hi mi parukin an dawng a ni. Water warrior award hi National Water Mission hnuaia Jal Shakti Abhiyan (JSA) hnuaih pek niin, Pi HS Lalawmpuii hi PHED leh bialtu DC, Lunglei District te ruahmannain PHED Official pahnih leh District danga Tui leh Faina kawnga thitha hmeichia pali ten an tawiawm a ni.

Pi HS Lalawmpuii hi Sairep khaw VCP ni mekin, an khuaah hian PHED chuan Jal Jeevan Mission(JJM) project an kalpui meka; He project atang hian Sairep khua chuan a vawikhat nan chhungkaw tinte kawtkaiah tui connection an neih phah tawh nghe nghe a ni. JJM hnuaiah hian PHED chuan NEIDA hi Implementation Support Agency (ISA) atan thawhpuiin, tun dinhmunah hian NEIDA hian Sairep khaw telin Mizoram khaw hrang hrang 100 a enkawl mek a, tuihna tihpun leh humhalh, ruahtui khawl, tui tihthianghlim leh water supply enkawlzui kawngah hma a lakpui mek a ni.

Pi HS Lalawmpuii hian tuihna humhalh kawnga a thawh hlawk avang te, ruahtui khawl ṭhat kawnga an khaw tana a thawh hlawk avang te leh, lui leh tuihna dang hmunhma vawn fai kawnga hma a lak ṭhat avang te’n “Water Warrior” award hi a dawng a. Award a dawn theih nan hian PHED leh NEIDA chuan kawng hrang hranga buaipuiin, Sawrkar Laipuiah award pek turin an rawt (nominate) a; PHED leh NEIDA bakah DC Lunglei chuan award dawng tura kalna leh hawna ticket a tumsak bawk a ni.