Swachhata Hi Seva 2022 hawnna hun Serchhip ah hman a ni.
Swachhata Hi Seva 2022 15. September – 2 October,2022 chhung a hman tur chu vawiin 15.Sept,2022 zing dar 7:00 A.M khan DC Conference Hall ah Nazuk Kumar, IAS Deputy Commissioner in hawnna hun a nei a, Swachhata Hi Seva 2022 Thupui hi Visual Cleanliness in Villages (Hmuh theih a khawtlang tih fai) tih a ni. He Faina Beihpui hawnna inkhawm hi Er. Isaac Lalchhuanmawia, E.E PHED Serchhip WATSAN Division in kaihruaiin Faina pawimawhna leh hemi kawnga hmasawnna tur te a sawi a. Serchhip in Faina kawnga chawimawina a dawn tawh hrang hrangte a tarlang.
He Faina beihpui khuh hawnna hmangtu Deputy Commissioner Nazuk Kumar, IAS chuan he hun hmang tura kalkhawm zawng zawngte chungah lawmthu sawiin he programme a hlawhtlin ngei theihna tur atan a theihtawp chhuah theuh turin kalkhawmte a sawm a, Bawlhhlawh sawngbawlna kawnga hmalakna kal mekte tarlangin hmang tangkai zel tura kalkhawmte sawmin midangte hnena faina pawimawhna thehdarh tu ni zel turin a beisei a, Faina beihpui a hawng.
He hun hi Pi Lalthanghliri DUDO, UD&PA Serchhip in lawmthu sawiin a khar.
He hunah ah hian Serchhip DC, Additional DC, Serchhip SP, EE PHED, SDO’s PHED, DUDO UD&PA, te bakah Serchhip khawpui chhunga Department Head hrang hrangte an tel kim hle a ni.
Swachhata Hi Seva Laungching programme hman zawh a nih hnuah, DC tual zawlah Rally Flag off na hun Nazuk Kumar, IAS Serchhip DC in a nei zui a, rallyah hian College ziralaite nen hun hman niin kawng dung a bawlhhlawh te chhar fai nghal a ni.
