SWACHHATA SAMVAD: FAINA TÌTÏ-AIZAWL DISTRICT

SBMG Mizoram

21.10.2021: AKAM hnuaia faina hmalakna kal mekah Swachhata Samvad: Faina Tìtï chu a vawi thumna atan Aizawl District chhunga VC te nen vawiin zíng 7:00AM khan ZOOM hmanga neih a ni a, khaw 41 aṭanga rawn telin, Aizawl District Coordinator-in a telpui a ni. He programme hi Er. K. Zohmingliana, State Coordinator, SBMG Mizoram-in a kaihruai a, presentation a pe nghal bawk a ni. Mission Director, Er. C. Chawnghnúna’n thuchah tawi a sawi bawk a ni.

Presentation hi topic hlawm thuma ṭhen a ni a:

  • AKAM
  • ODF Plus leh ODF Plus chi hrang hrangte
  • 15th Finance Commission leh a hman dan turte

He’ng bakah hian ODF Plus a lo inpuang tawh khuate hma lo lak dante entir a sawi ho a ni bawk a ni.

Hemi zawhah hian khaw hrang hrang aṭangin zawhna leh report ngaihthlak a ni a, khaw dang aṭanga lo telte tan a hlawkthlak hle a ni.