JJM LEH SBM(G) hmasawnna tura intihsiakna
Jal Jeevan Mission leh Swachh Bharat Mission (Grameen) Phase 2 thiltum te tih hlawhtlin anih theihna turin kawng hrang hrangah hmalak a ni a, Information, Communication leh Education (IEC) hi a hmanrua chikhat niin social media hmang tangkai in intihsiakna chi hrang hrang siam rawt a ni a. He intihsiakna hi Mizoram pum huapa huaihawt niin, July 2020 atanga September 2020 thleng District tin chhung atangin khaw hrang hrang atangin mimal leh pawl angin an rawn tel a ni. He intihsiakna hi Category chi riat (8) a then niin, a hnuaia tarlan ah te hian inelna neih a ni:
- Essay Writing
- Radio Jingles Making
- SMS Slogan
- 30 Seconds video Making
- Hla Inphuahsiak
- Banner/Poster making
- One Page Comic
He intihsiakna hi hlawhtling takin buatsaih a ni a, inelnaa rawn tel naupang ber chu kum 10 mi niin a upa ber chu kum 63 mi an ni. Lawmman pawisa fai leh Citation keng telin, lawmman dawng tute hi October 8, 2020 ah PHED Conference Hall ah E-in-C hovin sem a ni a, Category hrang hranga tel te hi sawm niin programme tawite buatsaih a ni. He intihsiakna a video leh poster te pawh hi hman tangkai chhunzawm zel niin, IEC lama hmalakna hrang hrangah social media hmangin thehdarh leh a ni a, JJM lam inzirtirna te pawh Cable TV lamah pekchhuah leh niin mipui ten an chanvo te an hriatbelh leh hmasawnna an neih theih nan thehdarh niin Radio lamah te pawh puandarh thin a ni.
