Mamit District Water & Sanitation Mission (DWSM) an thukhawm

PHED Mamit

Dated : Mamit the 11th of March 2026 : Vawiin khan DC Conference Hall, Mamit ah Pi Carolyn L.B. Khiangte, Addl. DC kaihhruaina-in, District Water & Sanitation Mission (DWSM) an thukhawm a, District Technical Unit review module for Jal Seva Aankalan leh District Inprovement plan based on GP assessments te sawiho a ni a. DTU members te tan Aankalan assessment chungchangah training pek nghal an ni.

He hun kaihruaitu Pi Carolyn L.B Khiangte chuan March ni 8 atanga ni 22 chhunga hman tur, Jal Mahotsav campaign a hawng bawk.

PHED Mamit WATSAN Division EE leh Member – Secretary ni bawk Er. Helen Saibuangi chuan DWSM hnathawh hrang hrang – Jal Seva Ankalan kalpui a nih dan te, Jal Arpan Diwas hman a nih tawh thu te, DWSM technical thil chi hrang hranga pui tura District Technical Unit (DTU) din thu te leh hmalakna dang tam tak a tarlang a.

DWSM thukhawm chuan World water day hman dan tur te sawi nghal niin, March ni 22 hi Sunday anih avangin a tuk March 23 hman turin a rel a ni.

Vawiin vek hian Er. Helen Saibuangi, Sr. Executive Engineer, PHED, Mamit WATSAN Division kaihhruaina-in PHED office ah World Plumbing day hman a ni a, he hunah tuisem leh line duty te chawimawina leh infuihtharna hun hman a ni bawk.