Mamit District Lallen khuaah Jal Arpan Diwas Hman a ni.

4th February, 2026 (Nilaini) khan Lallen Community Hall ah Lallen khawtlang tana JJM hnuai a tui hniang hnar pek lawmna leh WATSAN Committee kuta hlanna hun ‘Jal Arpan Diwas’ hman a ni a. Pu K.Laltlawmlova, Chairman, District Water & Sanitation Committee, Mamit District leh District Bawrhsap ni bawk chuan khuallian ni in a hman pui.

Pu K. Laltlawmlova chuan Sawrkarin Lallen khua tui hnianghnar taka an hman tur a pek avanga a lawmpui thu sawiin, Village WATSAN Committee-te inpekna leh an thawhrimna te chu fakawm a tih thu a sawi. A chhawrtu mipuite pawhin khawl thilte, tui dahkhawlnate leh pipeline-te chu mahni ta a ni tih hria a, dimdawih taka enkawl turin a chah bawk a ni.

Khuallian hian tui lakna document pawimawh hrang hrang: Schematic line diagram,Hydraulic test report, Trial run report, leh Inspection report of Solar Pump components, Har Ghar Jal Certificate leh test report hrang hrangte khawtlâng hruaitute hnenah a hlan a. Village WATSAN Committee kutah tui lak enkawlna hna a hlan nghal bawk.

Vawiin hun hmanna hi Er. Helen Saibuangi, Sr. Executive Engineer, PHED chuan a kaihruai a. Er. John Zonunmawia, SDO, PHED in Technical Report a pek bakah ‘Meri Panchayat Mobile Application’ hman dan mipuite a zirtirna a nei nghal a ni.

Pu V. Hangkholun, JE PHED kaihhruainain kalkhawm te’n thutiam sawirualna neih a ni bawk.