VANCHENGTE ODF+ KHUA NI THEI TURA AN HMALAKNA CHANCHIN TAWI

PHED Serchhip

IDEAL VILLAGE OF SBM-G SERCHHIP

Serchhip District, Mizoram

INTRODUCTION

Vanchengte hi (https://goo.gl/maps/15TPNE4WGdFkAmwX8) Serchhip District,Mizoram a awm ni a. Mizo history sawi a tel ziah tur Chhim leh Hmar indo a Lalpuithanga khua kha ni in khaw hlun tak an ni. Tun ah hian in 30 vel awm in mihring 130 vel an cheng mek a ni. Vanchengte khua hi khaw in lungrual leh tang tlang tak niin faina kawnga hmasawn ber te zing a mi an ni mek a ni.

Vanchengte khua hi Faina leh Thianghlimna kawngah hian an thangharh hma em em a. Central sawrkar in 2nd October 2014-a India Rampum Faina Beihpui (Swachh Bharat Mission) a kalpui atang khan tang lehzualin khawtlang hruaituten hma la in. Vanchengte hian kum 2017 khan ODF (Pawn lera mihring inthiar awm tawhlohna khua nihna) ah lo inpuang tawh in. 20th July 2022 khan an khawtlang tanrualna zarah ODF Plus khua (Pawn lera mihring inthiar awm tawhlohna chawi vawng zeltu nihna) ah an lo in puang thei ta bawk a ni. A khuaa chengte hian faina leh thianghlimna duh tak takna rilru pu in, WATSAN te tha takin an thawhpui thin a, an hruaitute thu an zawm tha taka zawm in, naupang atanga puitling leh kum upa lam te pawhin fai ngainat chu an intihhmuh a, khawtlang leh mimal fai leh thianghlimna chu mahni kuta tla a ni tih an chiang tlang a ni.

FAINA KAWNGA HNATHAWH DAN

Faina kawnga hmasawnna nasa zawk Vanchengte khuaa alo thlen theih nan hian PHED Serchhip, Vanchengte NGO te, Vanchengte WATSAN Committee member te leh an khaw Swachhagrahi (Faina Sipai) te hian inlungrual leh thahnemngai takin kum 2017 atang khan an lo thawk ho tawh thin a. Vanchengte WATSAN te leh NGO te huaihawtin khawtlang thenfai, tihfai hnatlang a khat tawk a koh thin a ni a. Heng bakah hian WATSAN te kaihhruaina hnuaiah Sanitation Fee in khatah thla tin cheng 20 khawn thin niin, heng fee tling khawm atang hian hnatlang ei leh intur te, faina lama khawtlang mamawh te lakkhawm thin a ni bawk. PHED Serchhip te kaltlangin Vanchengte WATSAN te enpuina hnuaiah Bawlhhlawh tawih thei paihna (Compost Pit) mimal leh vantlang (Community leh Individual) hman tur siam zawh tawh a ni bawk a. Compost Pit te hi bawlhhlawh tawihthei sawngbawl tangkai zawk a tih riral nan an hmang tangkai mek a ni. Plastic bawlhhlawh tawihtheilo thliar hranga paihna tur bik siam sak tawh ni bawk in, an hmang tangkai em em mek bawk a ni.

Heng bakah hian tui chhe luangral mai tur veng tur leh leichhungrila tuihna ti tam tura duan tuichhe paihna khur (Soak Pit) an nei mek bawk a ni.

Swachh Bharat Mission hian Vanchengte khuaah hian danglamna tamtak khawtlangah a thlen niin a lang a, mi nawlpui nun dan leh rilru sukthlek a ti danglamin hmasawnna hmuhtur a tam em em a ni.Vanchengte khua hi khaw hmingthang leh thiltithei a hriat lar nilo mahse, faina lam kaihhnawih a an khua kan thlir chuan hmasawn ber te zinga mi ni tawh in, an khawtlang tanrualna hian parfung a chawi mek zel a ni tih khua leh khua inkara intihsiakna hrang hrang a lawmman an dawn tak te atang hian a hriat theih mai awm e:

  1. WATSAN THAWKTHA ,2019-a KHAW 10 THLANCHHUAH chawimawi tak zingah an tel a ni.
  2. Serchhip District chhunga khaw fai intihsiakna Swachh Prerak Day, 2019 a buatsaih ah khan pahnihna dinhmun an hauh a.
  3. World Water Day, 2024 puala TUIHNA HUMHALH THA INTIHSIAKNA buatsaih niin, Mizoram pum huapah lawmman PATHUMNA an dawng a ni.
  4. Serchhip District huamchhunga TUIHNA HUMHALH THA INTIHSIAKNA, 2024 ah PAHNIHNA an la leh bawk a ni.

Heng kan han tarlan te bakah hian Faina lam hawi chauh nilo kawng dang dangah lawmman an lo dawng nual tawh bawk a ni.