World Water Day 2024, Hnatlang

PHED Champhai

March 20, 2024 (Nilaini) ah World Water Day 2024 denchhanin Keilungliah lui dung tihfai hnatlang neih a ni a, hemi hunah hian PHED Champhai Division Office staff te, Govt. Champhai College zirtirtute leh zirlai naupang 100 chuangin lui dung leh luia bawlhhlawh awmte tifaiin hnatlang an nei a, bawlhhlawh tam tham tak mai lachhuakin, Keilungliah lui dung mai piah lamah lawng hmanga kal kualin luia chunga bawlhhlawh langte Quick Responese Team (QRT) DM&R te nen thawk hovin lehsuah hmanga lakchhuah a ni bawk, bawlhhlawh hi LPK trip khat lai lakchhuah a ni nghe nghe. Hnatlanga thawkchhuak zawng awngte hnenah water bottle leh bag sem ani bawk. Hnatlang neih zawhah hian chawchhun te eiin hun hi khar a ni.

                        Khawbung WATSAN Sub-Division-ah World Water Day 2024 denchhanin Khawbung tui tlan Tuipui lui kam ti faiin PHED Khawbung, WATSAN Committee, VC, YMA leh VO memberte hnatlang neih a ni a, Plastic leh Lui dung ti bawlhhlawh thei chi thenfai hna thawh a ni.Tin, World Water Day Kawngzawh (rally) neih nghal a ni bawk.

Hnatlang a thawkchhuak te hnenah Inrem Nan Tui (Water for Peace) tih thupui hmangin Khawbung VCP, YMA President, VO khawbung leh SDO, PHED ten thu an sawi bawk a ni.