One Day Training on 15th Finance Commission Convergence jointly organized by PHED Champhai and LAD Champhai District
PHED leh LAD tang kawpin One Day Training on 15th Finance Commission Convergence Ni 31 July 2023 (Thawhtanni) dar 11:00 A.M. khan Kahrawt Community Hall Champhaiah neih a ni. He hun hi Deputy Commissioner Pu James Lalrinchhana Chairman DWSM chu khuallian niin hun min hmanpui. Training-ah hian thingtlangkhua 42 atangin VCP, VC Secretary leh WATSAN Secretary-te koh niin, town area veng 20 atangin VCP leh VC Secretary-te an lo tel bawk a ni. Resource person atan Er. Vanlallawma Colney JE PHED, C. Vanlalhruaia UDC LAD, Julie C. Mawii, District Coordinator leh H. Lalenkawli DPM LAD te hman niin an ni hian training an pe.
Pu Moses Lalfakawma Tlau, DLAO chuan training a kaihruai a, Felicitation of Chief Guest hi LAD lamin hmangin, Introduction & Welcome hun hi Pu C. Vanlalhruaia, LAD in a hmang. Er.ZD. Dengthuama, Executive Engineer & Member Secretary SBM-G, PHED chuan thu sawina neiin SSG-2023 sawiin faina endiktute an lo kal dawn a, khaw tinte mahni khaw lamah theuh tan lo la turin a fuih. Pi H. Lalthlamuani, PPM Coordinator, District TB Control Society chuan TB awareness a nei a, hemi zawh hian kan khuallian Pu James Lalrinchhana chuan thusawina hun neiin lo kal zawng zawngte hnenah lawmthu sawiin training pawimawhnate a sawi a, kanthil zir tur topic hrang hrangte pawimawhzia leh hmathlir hrang hrangte a tarlang a, he training-in a thil tumte hlawhtlin theihna chu thawhhona tha a nih thute a sawi.
Pi H. Lalenkawli, DPM Champhai chuan Geotagging lamah training a pe a, hemi zawhah hian Pi Julie C. Mawii, District Coordinator chuan ODP Plus chungchanga hriat tur pawimawh leh tul hrang hrangte hrilhin training a pek chhunzawmin hemi zawhah hian thingpui in chawlh kan hmang. Chawlh zawhah hian Er. Vanlallawma Colney, JE PHED chuan Plan and Estimate chungchang te zirtir leh hrilhfiahin training a pek chhunzawm leh a, training a pek zawhah hian hemi ni a a training hnuhnung ber atan Pu C. Vanlalhruaia chuan GPDP Account Maintanence & Online Audit zirtirin sum hman dik ringawt a tawk loh thu leh ziah dik a tul thute hrilhin training a pe. Resource person ten presentation an hman zawh aping hian zawhna leh chhanna hun hlawkthlak tak hman zel a ni a, kan hun khar nan hian Er. Vanlalmuanawma, SDO(P) PHED chuan hun hlu tak senga lo kal leh rawn tel zawng zawngte hnenah lawmtu sawiin hun hi tihtawp a ni.
