SWACHH SURVEKSHAN GRAMEEN 2021
State Level Workshop on SSG 2021 neih a ni.
Dt 30.09.2021, Aizawl: Department of Drinking Water & Sanitation, Ministry of Jal Shakti, Government of India chuan ‘Swachh Survekshan Grameen -2021’ a huaihawt leh dawn a. Hei hi India ram pumpuia Thingtlangkhua zawng zawng huap Faina kawnga inelna a ni. He inelna hi IPSOS Pvt Ltd te kal tlanga huaihawt niin, an ni hian State hrang hrang te hmalakna endik in, khawtlang hruaitute leh mipuite atangin feedback la in, assessment a siam dawn a ni.
He inelna huaihawt dan tur leh endik dan tur in hrilh hriatna (State Level Workshop) pe turin IPSOS atangin mi pahnih lo zin in, vawin hian Deputy CM leh PHE Department changtu, Pu Tawnluia chamber ah he Workshop hawnna hi neih a ni a. Zoom virtual meeting kal tlangin he programme hi District tin a Deputy Commissioner leh PHE Officials ten an telpui ve bawk a ni. He hawnna programme zawhah hian PHED Conference Hall, E-in-C PHED Office-ah Workshop in a chhunzawm nghal a ni.
SSG inelnaah hian fullmark mark 1000 niin tehfung pathum a awm dawn a, chungte chu:
- Citizen feedback – 350 marks (mobile hmanga mipuite feedback aṭangin)
- Direct observation- 300 marks (khaw thlan bik te survey an ni ang)
- Service Level Progress- 350 marks (District tinin an hnathawh an report aṭangin)
Kum 2018 aṭang khan Swachh Survekshan Grameen hi huaihawt a lo ni tawh thin a. Hemi Kum hian India ram thingtlang khaw 7000 en dik niin, kum 2019 ah khaw 17200 en dik a lo ni tawh bawk a. Kuminah hian 17425 vel endik tum a ni.
Kum 2019-ah khan Mizoram chuan category hrang hrangah hetiang hian lawmman kan lo dawng tawh nghe nghe a ni:
Smaller States and UT zingah 1st Prize
Northeast States zingah 1st Prize
Heng District pathum; Kolasib, Serchhip leh Aizawl-te hian Northeast-ah 1st, 2nd leh 3rd Prize an la bawk a, tun 2021 inelna-ah pawh hian, PHED leh Thingtlang khaw hrang hrang tangrual chuan Lawmman lak tumin nasa takin tan an la mek a ni.
