SECRETARY PHED HOVIN WORK REVIEW NEIH ANI

PHED Serchhip

Ni 18/08/2025 Thawhtanni hian Secretary to the Government of Mizoram PHED, Pi Teresy Vanlalhruaii hovin Serchhip WATSAN Division huam chhung a hnathawh hrang hrang te thlirletna hun hman a ni.

He hun hi Pi R Lalsangluaii, HA in kaihruai in inlawmna thu Er Isaac Lalchhuanmawia Sr EE PHED Serchhip chuan neiin, he hun hlu tak kan Secretary in min rawn hmanpui thei hi lawmawm a tih thu a sawi a, Serchhip WATSAN Division hnuaia thawktu zawng zawng ten kan hnathawh kan in hriatpui tawn nan he hun hi a tangkai thu a sawi ani.

Pi Teresy Vanlalhruaii, Secretary PHED chuan thu sawiin sawrkar hnathawk chu Sawrkar ta kan nih angin eng ang Sawrkar pawh hrawn ila tha taka Sawrkar thuchhuak zawm zel tur kan ni tih sawiin,Sawrkar hmalakna hrang hrangah kan phak ang tawk theuh a tan la turin kal khawm te a fuih.

Serchhip Division ngei ah Works Review Meeting nei thei a kan awm chu lawmawm a tih thu sawiin,Department a thawk ho kan nih angin inpawh tlang taka harsatna hrang hrang ah pawh in tanpui tawn zel a tul thu a sawi.

Heng mite atang hian hnathawh dan hrang hrang PowerPoint presentation a zir ho a ni a, Secretary hian zawhna te zawt in hun hman ani;

Presentation pe tute:

  1. Er Isaac Lalchhuanmawia Sr. Executive Engineer
  2. Er T Mangliandinga Sr SDO, E Lungdar
  3. Er Vanlalmuanawma SDO, Serchhip
  4. Er Thangliana Chhangte SDO, Tlungvel
  5. Samuel Lallawmzuala Dist Coordinator
Er Isaac Lalchhuanmawia Sr. Executive Engineer
Er T Mangliandinga Sr SDO, E Lungdar
Er Vanlalmuanawma SDO, Serchhip
Er Thangliana Chhangte SDO, Tlungvel
Samuel Lallawmzuala Dist Coordinator

Pu C Lalengzauva Account Officer in lawmthu sawina neiin programme hi a khar.