CONSULTATION MEETING ON SOLID WASTE MANAGEMENT (FOR WATSAN CHAIRMAN & SECRETARY) DIRECTOR PMU PHED HOVA HMAN A NI
Ni 28thJuly, 2025 (Tawhtanni) Dar 11:00 AM khan DC PISAPUI HALL ah bawlhhlawh sawngbawl dan chungchangah inrawnkhawmna neih a ni.
He meeting hi Pu Lalrinzuala, Addl. DC, Serchhip in kaihruaiin memberte lawmna leh in hmelhriattirna hun a hmang a, kal khawmte hlawk taka a hun hmang tura duhsakna hlanin he meeting neih tulna leh pawimawhziate a sawi.
Paul L. Khuma, Deputy Commisioner Serchhip chuan thusawina hun neih chhunzawmin, Serchhip District a Solid Waste Management kalpui kan tum mek dan te sawiin he ruahmanna hi phaktawk a thlawp tlat turin member kalkhawmte a sawm a, kan rilru luahtu pawimawh tak pakhat ni tur leh khawpui leh thingtlang tana hmalakna tur ruahmanna siam ang ang te pawh lawmtak a zawm a tihlawhtling tu ni ngei turin a sawm a ni. Bawlhhlawh a theih ang ang a ti tlem turte, hman nawn theih dan kawng zawng turte in kalkhawmte a ngen a, Faina leh thianghlimna kawng ah khaw tinte in elna rilru thianghlim tak kalpui theuh turin a sawm a ni. Kei mahni mai piah lamah a khaw pum a hetiang rilru kan put theihna tur a hma la tu pawimawh an nih tur thusawiin kan ram leh khawtlangah Behavioral change a thlen theihna tur a theihtawp a mipuite hnena zirtirna pe uar turin kalkhawmte a chah bawk.
Pu Lalbiakhlua, A.E, PMU, PHED chuan Presentation hmanga inzirtirna hun hmangin kum 1907 ah Khawvel in plastic a hmelhriat chhoh dante India ramah pawh 1957 ah hman tan a nih thute a sawi a, chung plastic te chuan bawlhhlawh a siam nasat dante a tarlang a, heng plastic bawlhhlawhte hi halral a hlauhawm thu te leh air pollution a siam hlauhawm dante a tarlang bawk. Plastic bawlhhlawh dah khawm te hian Methylene gas a siamchhuah a vangin hal a nih kher loh pawhin kangmei chhuah maithei a nih thute a sawi lang bawk.
India ram Sawrkar chuan plastic bawlhhlawh te uluk taka sawngbawl a lakkhawm a tul zia hriain Plastic bawlhhlawh sawngbawl tha duh lo te tan hremna dan hrang hrang a siamte a sawizui a, Khua leh mimal ang pawhin sum tam tak chawitheih a nih dan leh National Green Tribunal (NGT) in State leh LC/VC te pawisa a lo chawi tir tawh dan hrang hrang a tarlang bawk.
.
Pu Lalnunpuia, CEO, Green Herd SP in presentation neih chhunzawmin an Company din chhoh a nih dan leh a tum tlangpui hetiangin a tarlang :
Carbon footprint tihtlem
Awmze nei a bawlhhlawh siam
Leilung leh a chhunga awm Eco-System humhalh
Kan tu leh fate tan hmalam hun tha siam
Kan District tan leh midangte tana entawntlak sulhnu hnutchhiah te a ni a ti.
Bawlhhlawh khawn an tum dan Tantative Road Map pharh in kartin bawlhhlawh te khawn tura ruahman na siam a nih dan hetiang hian a tarlang :
Thawhtanni – Chhingchhip, Hualtu, Lungkawlh, Bawktlang, Lungchhuan leh Sialsir
Thawhlehni – Khawlailung, Piler, Hmunzawl, Thinglian, Keitum, Bungtlang
Nilaini – Vancheng, Sialhau, Thentlang, Baktawng, Chhuanthar Tlangnuam, Hmawngkawn, Chhiahtlang,Hmuntha, Khawbel
Ningani – Khumtung, Buhkangkawn, Chan In, Lungphon, Ngentiang, Rullam
Zirtawpni – Zote S, Kanghmun, Neihloh, Buangpui, Hriangtlang
Inrinni – Leng, Sailulak, Mualcheng, Chekawn, East Lungdar
Pu Samuel Lalawmzuala, District Coordinator, PHED in thusawiin Plastic sawngbawl tura hmalak a lo nih tawh dan chanchin hrang hrang a tarlang a, VC ten en pawh a inremna neih a lo nih tawh dan te sawiin tuna VC thartenen a inhrilhhriat a tul vanga he meeting pawh hi neih ani a ti.
Er. Lalropuia Hmar, Director PMU, PHED Mizoram in khaikhawmna leh Presentation hmangin thusawina hun a nei a, hmasawnna tur hrang hrangte Dan leh dun zam a nih dan te sawi in tunah hianSawrkar lam chuan kan tih theih ang ang tiin bul kan tan tawh a, enge maw chen chu he Solid Waste Management hi a hlawhtlin ngei theih nan pui zel an in huamthu a sawi a, kan lo hmelhriat tawh JJM Scheme ang hian Private Firm te leh mipuite hi a kal zel na tur a pawimawh ber te kan ni dawn a ni a ti a. Chutiang a nih ngei theih na tur a rilru leh ngaihtuahna seng a ke lo pen zel turin kal khawmte a chah a ni.
Aibawk lama Plastic sawngbawlna an lo kalpui tawh dan atangin hmsawnna tur leh invenna tur hrang hrangte a tarlang a, khawtin tan 15FC hmanga sum hman a nih theih dante a sawi lang bawk.
Director chuan khawtin te kan bawlhhlawhte uluk taka lo thliar a, chungtin ten fee tha taka an pek theih nan inzirtir na uar taka lo kal pui turin kalkhawmte a sawm a, tun dinhmunah tawihtheilo chauh khawn a nih rih dawn avangin tawihthei bawlhlawhte chu Compost Pit ah te leh Dumping Site kan hman mek ah te pawh paih zel a remchan rih thu a sawi a, Serchhip District hi Model District a nih ngei a beisei thu leh chumi tur pawh a tan lo la theuh turin a chah bawk.
Sawiho na hun hman chhunzawm a ni a, kalkhawmte chuan hetiang hian thutlukna an siam :
a) Awareness Campaign : Khawtin tan Awareness Camapign neih tha tih ani a, PHE Department ten khawtin ah neih pui nise.
b) Sanitation Fee : Thla tin Cheng 50 Green Herd SP hnenah chungtin ten chhunluh tha tih a ni.
Chairman chuan Serchhip District ah bawlhhlawh sawngbawl turin hma kan la ta sa sa theihtawp chhuah tlang tur leh in fin chhuah tlang turin kalkhawmte a sawm nawn a, Er, T. Mangliandinga, Sr. SDO PHED in lawmthu sawina neiin meeting khar zui a ni.