Prof. Lalnilawma, Minister of State-in PHED Mamit tlawh.

PHED Mamit

Nimin khan Prof. Lalnilawma, Minister of State chuan Mamit khawpui chhunga a department chan hrang hrang PHED, DRDO leh LAD Office te a tlawh a, thawktute’n lo dawngsawngin hna kal mek leh hmachhawp awmte Minister hnenah hian an lo thlen a ni.

PHED Minister hian PHE office complex-ah thingphunin bul a tan a, sik leh sa inthlak danglam zelna khawvelah thingphun uar theuh turin a chah. Mamit main reservoir (tuikhawlna) leh zonal reservoir te chu Er. Helen Saibuangi, Sr Executive Engineer PHED Mamit WATSAN Division leh Er. Malcolm Lalhmingliana Sr Sub-Divisional Office, Mamit WATSAN Sub-Division te nen tlawhin hnathawh kal mek dan a enfiah a, distribution pipeline enin hmalak zel dan tur an sawiho.