SWACHHATA HI SEVA, 2024 CAMPAIGN KHARNA & SWACHH BHARAT DIWAS, 2024, MAMIT DISTRICT

PHED Mamit

Faina Beihpui thlakna Swachhata Hi Seva – 2024 kharna leh Swachh Bharat Diwas 2nd October, 2024  @ 7:00 am ah Mamit Bazar Vengah hman a ni. Er. Helen Saibuangi, Sr. Executive Engineer, PHED leh Nodal Officer District Steering Committee on Swachhata Hi Seva, 2024 ni bawk in programme hi a kaihruai.

Pu Jacob Lalawmpuia, District Bawrhsap leh Chairman District Steering Committee on Swachhata Hi Seva – 2024 ni bawk chuan faina beihpui thlak tura hmalakna bawhzuina kawnga Nodal Department PHED leh DUDO-te chungah lawmthu a sawi a, tihtur pek kan nih a, kan tihtur tha taka kan tih mai hian khua leh tui tha kan nihna a ni  a ti. Fai tura Sawrkar Department office, zirna In leh khawtlang anga hma kan laknaah theihtawp kan chhuah a ni tih mit ngeia hmuh theihin a awm a, tehkhawng hrang hrang hmanga teh kan nihna-ah lawmman kan la emaw la lo emaw Mamit District hian faina kawngah hmasawnna nasa tak kan nei a ni a ti bawk. Faina beihpui hun chhung leh hun tiam nei angin kal mah ila, faina kawnga kawng kan sah kuak tawh chu chhunzawmin District fai ber ni reng thei tura mahni theihna zawn theuha hma la chhunzawm turin kalkhawmte a sawm a ni.

Swachhata Hi Seva – 2024 17th  September – 2nd  October – 2024 kalpui chhunga hmalakna hrang hrangte Er. Malcolm Lalhmingliana, Sr. SDO, PHED leh Pi L. Rodinpuii, DUDO te’n report an pe.

 Rural area-ah tehfung chi hrang hrang 12 hmangin Mamit District chhung khaw hrang hrangah hmalakna kalpui a ni a, rural area-a khaw 87 awmah faina chungchanga hmalakna an kalpuina report dawn a ni. Urban hnuaiah hian Sawrkar Department 27, Zirna In – 6 leh VC parukah hnatlang neih a ni a. Cleanliness target Mamit Venghlun leh Bazar veng Mamit thenfai a ni. W. Phaileng, Zawlnuam ah te hmun bal zual tihfai ngai tifaina neih a ni bawk. Week pual hian Digity camp safai mitras buatsaih niin Mamit District Hospital-ah test chi hrang hrang bakah a thlawna damdawi sem a ni. Urban hi DUDO lam chan niin Rural hi PHED lam chan a ni thung a ni.

Swachhata Hi Seva – 2024, kalpui chhungin Rural Area-ah  Best Performing Village ah Hriphaw WATSAN Committee chu thlan an ni a. Best Volunteer Ward – C. Lalṭanpuia Swachhagrahi, Hriphaw te thlan niin lawmman hlan a ni a, Best Performing Award Rural ah Hriphaw WATSAN Committee te thlan niin lawmman hlan an ni. Urban area atan  Best Performance Village-ah Mamit Bazar Veng VC chu thlan an ni a, heibakah hian Department hrang hrangte leh khawtlang hruaitu faina atana hmalate hnenah chawimawina thuziak hlan an ni bawk.

Pi Biaknungi, DIPRO kaihruaina-in faina thutiam lakna neih niin, Pi Carolyn LB. Khiangte, Addl DC chuan lawmthu sawina a nei bawk.