SWACHHATA HI SEVA & CLEANLINESS WEEK, 2024 CLOSING FUNCTION HMAN A NI

PHED Lawngtlai
Lawngtlai, Dt. 02.10.2024 : Swachh Bharat Diwas 2024 leh Swachhata Hi Seva 2024 Closing function chu vawiin 2nd October, 2024, 7:30 AM khan DC Conference Hall, Lawngtlai hmunah hman a ni. He programme-ah hian Dr. Lorrain Lalpekliana Chinzah chu khuallian a ni. Pu Cheemala Siva Gopal Reddy, Deputy Commissioner, Lawngtlai District chu Chairman niin, he hun hi a kaihruai a. Chairman hian hun khuhhawnna atan thutawi sawina neiin, India hnam pa Mahatma Gandhi in a faina leh thianghlimna kawnga a hnathawh ropui tak avanga Swachhata Hi Seva hman chhoh a nih dan leh kumin 2024 Swachhata Hi Seva hman a nih dan leh a kalphung tlangpui inhrilhhriatna a nei.
He hunah hian SBM-U leh SBM-G atangin Swachhata Hi Seva 2024 (17th September – 2nd October 2024) hman a nih chhunga an hmalakna hrang hrang Report ngaihthlak a ni. Pi Margaret J. Vanlalremmawii, SDO (Sadar), Lawngtlai District hnen atangin SBM-U hmalakna Report ngaihthlak a ni a, SBM-G hmalakna Report hi Netralal Jaisi, Sr. Executive Engineer, PHED, Lawngtlai WATSAN Division hnen atanga ngaihthlak a ni bawk.

Khuallian Dr. Lorrain Lalpekliana Chinzah hnen atangin Swachhata Hi Seva 2024 hman a nih chhunga kan hmalaknate avanga lawmthu sawina ngaihthlak a ni a. Faina leh thianghlimna kawngah hian mimal leh pawl anga tihtur nei vek kan nih thu sawina neiin, UD&PA hmalaknaa Solid Waste Management Centre kan neih te pawh a nihna tur ang taka hmang tangkai turin kalkhawmte a fuih bawk.

He hunah hian faina leh thianghlimna hmanga School naupangte puala inelna buatsaih Poem leh Slogan Writing tithate lawmman semna neih a ni a. Sanitation Workers titha mi 2 hnenah chawimawina hlan an ni bawk a. Tin, Swachhata Hi Seva 2024 hman a nih chhunga line department hrang hrang min thawhpuite hnenah lawmthu sawina thilpek hlan a ni bawk.

Pu L. Sangromuana, SDO, PHED, Lawngtlai WATSAN Division hnen atangin a tawp khar nan kalkhawmte hnenah lawmthu sawina a nei a. Programme tih tawp a ni. He hunah hian Lawngtlai District chhunga NGO leh School hrang hrang te , District Council aiawh te bakah, VC leh Department hrang hrang ten he programme hi an hmanpui bawk a ni.