DISTRICT CONSULTATION MEETING ON PLASTIC MANAGEMENT CENTRE
Dt 30th Aug 2024 khan Serchhip DC Conference Hall-ah Serchhip RD Block leh E. Lungdar RD Block huamchhung a WATSAN Committee te tana Consultation Meeting on Plastic Waste Management Centre chungchang inrawnkhawmna hi Er. Isaac Lalchhuanmawia Sr. Executive Engineer PHED Serchhip in kaihhruaiin, he hun hmanpuitu khuallian Er. H. Duhkima, Mission Director (PMU) PHED Mizoram chuan Zoram hmun thenkhata Waste Management kalpui alo nih tawh dan te, plastic product ho chu hman nuam leh awlsam anih thu a sawi a, amaherawhchu kan environment tichhe tu ber anih thu leh, plastic chuan kan ram lui te pawh a tibawlhlawh nasa ta em em ani a ti a. National Green Tribunal (NGT) chuan bawlhlawh hal leh paih a phalloh thu sawiin, Waste Management hlawhtlinna ber tur chu sawrkar leh mipuite thawhona tha neih a ngai ani ati bawk.
He hunah hian Pu Lalrinzuala, Addl DC Serchhip chuan thu sawiin duhdah taka Bawlhlawh paih chuan a thalo lamin nasa takin nghawng a neih thin thu a sawi a, Bawlhlawh sawngbawlna kawngah PHE leh UD&PA Department te hmachhawp leh DC Office hnuaia din ‘District Convergence Plan on Solid Waste Management’ chungchanga mawh phur bik tur ruahmannna siam anih thu te, Serchhip District chu zoram mipuite entawn tlak ni tur leh District fai ber ni thei tura ruahmanna siam anih dawn thute, bawlhlawh thliar hran dan tur inzirtirna kawngah District chhung khaw hrang hranga khawtlang hruaitu kalkkhawm te chu Thawhhona thatak nen tan la thar leh theuh turin a fuih bawk.
Thenzawl a ‘Plastic Waste Management Centre’ aiawhin Pu PC Lalnunpuia, Green Herd Pvt. Ltd. chuan kan bawlhlawh paihin kan hriselna a tichhiat dan leh mihring te tan natna chi hrang hrang a thlen theih dan te, kan bul leh a vel atana a hlauhawm theih dan te sawiin, kan nitin bawlhlawh chi hrang hrang chu leitha leh thil tangkai zawka siam chhuah leh an tum thu te, District huam chhunga mipuite chuan bawlhlawh tha taka thliar hrang tur leh a theih hram chuan garbage bag hmang tur te, Plastic bawlhlawh sawngbawlna tura hmalak an tum dan te Power Point Presentation hmangin kalkhawmte chu zirtirna a pe a, hriselna kawnga inziritirna Short Documentary Film an buatsaih chu thlirho ani bawk.
Pu Lalchuangliana Consultant PMU hnen atangin ‘Solid Waste Management ‘chungchang ngaihthlak ni bawk in, Serchhip leh E. Lungdar RD Block huamchhunga WATSAN Committee aiawh kalkhawmte nen hian Thenzawl a Plastic Waste Management Centre chungchang leh an tangkai theih dan turte sawihona hun hmang ho in, thla thar 15th September, 2024 (Pathian Ni) hmain Gram Sabha koin mipuite remtihna lak nise, chumi hnuah inhmuhkhawmna nei leh tura ruahmanna siam a ni, Gram Sabha minute te chu District Coordinator SBM(G) ah thehluh tur a ni ang. Tawihtheilo bawlhhlawh chi hrang hrang lakkhawm dan tur atan inrawnkhawmna neih nise an ti a, he hun hi Er. Vanlalmuanawma SDO PHED Serchhip in lawmthu sawiin a khar ani.
Hemi ni vek chawhnu Dar 2:00 PM khan ‘District Water Testing Laboratory’, New Serchhip PHED Office Complex sak thar chu Er. H. Duhkima, Mission Director (PMU) PHED Mizoram chuan a hawng nghal ani.
