SWACHHATA GREEN LEAF RATING CHUNGCHANGAH ORIENTATION NEIH A NI
Lawngtlai, Dt. 09.08.2024: Swachhata Green Leaf Rating Committee, Lawngtlai District hmalaknain Dt. 09.08.2024 khan Lawngtlai district huamchhunga hotel, homestay, lodge etc. neitu leh enkawltute pualin Orientation Programme hman a ni.
He hun hi Sr. EE Netralal Jaisi, Member Secretary, District Water & Sanitation Mission, Lawngtlai District & Executive Engineer, PHED, Lawngtlai-in kaihhruaiin, kalkhawmte inhmelhriattirna leh lawmthu sawina neiin, orientation neih a tulna chhan te sawina a nei. Pu Lorry Kaphnuna, Block Coordinator hnen atangin stakeholders ten anmahni a mark an inpek dan tur leh an submit dan tur kalhmang inhrihhriatna leh ngaihthlakna neih a ni bawk.
Evaluation pek dan tur chungchanga hriatthiam loh lai te inzawhna leh sawihona hun hman chhunzawm a ni a. Pu L. Sangromuana, Member Secretary, Swachhata Green Leaf Rating Verification Sub-Committee & SDO, PHED, Lawngtlai hnen atangin he rating system hi inelna ni lovin, keimahni hlutna theuh tihsanna hmanrua a hman thiam a tul thu leh heng faina leh thianghlimna kawnga hma kan lakna te hi mipui tana ti kan ni tih rilru pu a tan la zel turin kalkhawmte fuihna a nei bawk a ni.
He hunah hian District huamchhunga stakeholders awm zawng zawngte sawm an ni a, mi engemawzat rawn telin, he Orientation Programme hi hlawhtling taka hman a ni.
