MEETING ON STOP DIARRHOEA CAMPAIGN 2024 NEIH A NI

PHED Serchhip

Dt: 5th July 2024 (Zirtawp ni) khan DC Meeting Hall, Serchhip ah Stop Diarrhoea Campaign 2024 chungchang a inkawmhona chu Paul L Khuma (MCS), Deputy Commissioner, Serchhip kaihhruaina hnuaiah hman a ni. He meeting ah hian sawrkar mi pawimawh tak tak telin kawthalo natna hnawhbo kawnga Serchhip District chhunga hmalakna tur sawihona neih a ni.

KALKHAWMTE:

  1. Paul L Khuma (MCS), Deputy Commissioner
  2. Dr. LP Malsawma, Senior Chief Medical Officer, H&FW
  3. Dr. Lallawmkimi Chhakchhuak, Deputy Chief Medical Officer, H&FW
  4. Dr. ZD Lalmuanawma, District Medical Superintendent, H&FW
  5. Dr. C Lalrinzama, Paediatrician, District Hospital, H&FW
  6. Lawmawma, District Educational Officer, Education
  7. HD Lalpekmawia, District Rural Development Officer, DRDA
  8. Lalnunmawii, District Information and Public Relations Officer, l&PR
  9. Lalsiampuii, District, Women & Child Protection
  10. Samuel Lallawmzuala, District Coordinator, PHED
  11. Deborah Vanlalchhuangi, District Programme Manager, H&FW
  12. Lianthangpuii Fanai, DEIC Manager, H&FW
  13. Lalmuankimi Sailo, ASHA Co-ordinator, H&FW

Meeting ah hian chairman in a sawm angin, Deborah Vanlalchhuangi, District Programme Manager, H&FW chuan presentation hmangin campaign kalphung leh pawimawhna te kalkhawm te tan hrilhfiahna a pe a. Kawthalo laka inveng emaw in enkawl dam tur chuan ORS a tangkai em em dawn bakah invawn thianghlim a tul hle a ni a ti.

MEETING THU REL TE:

  1. Stop Diarrhoea Campaign 2024 chu Thlahnih (1st July to 31st August, 2024) chhunga hman tur a ni ang.
  2. Zinc leh ORS Tablets chu ASHA ten an bial theuh ah kum 5 hnuai lam awmna in apiang ah an sem ang a. A mamawh apiang lak turin Anganwadi ah a bawma dah tum a ni. District chhunga Sawrkar Damdawiin leh a peng (Sub-Centre, PHC, CHC etc) ah a mamawh te lak theih tura ORC leh Zinc Tablets dah tum a ni.
  3. He hunah hian Meeting a tel line department te chu mahni department tihtur Action Plan siama ni 12th July 2024 ruat a ni.
  4. Health & Family Welfare Dept. te chu line department te nena thawhhona tha zawk nei thei tura hmalakna te lo zirchiang zel tura tih an ni.
  5. I&PR Dept te chu campaign hmalakna leh campaign lam hawi auhla, thlalak leh thuziak lo thehdarh tura chanvo pek an ni.
  6. Campaign chhunga activity neih te hi report buatsaih a Sr. CMO hnena thehluh zel tur a ni bawk.