STOP DIARRHOEA CAMPAIGN 2024

Department of Drinking Water & Sanitation chuan 15 July, 2024 atanga 31st August, 2024 chhung hian “Stop Diarrhea Campaign 2024” chungchangah kar riat chhung awh tur campaign a kalpui mek a, he campaign ah hian Line Department hrang hrang te chanvo pek an nih angin PHED Serchhip WATSAN Division chuan Serchhip khawpui chhung (Urban) leh thingtlang (Rural) hmuna School, Anganwadi leh PHC te tlawhchhuakin Tui Sample Test leh Thianghlimna kawnga inzirtirna a neihpui mek zel a.  

“Tui thianghlim leh Thianghlimna”(Safe Water and Sanitation) pawimawhna leh kan neih theih dan tur awareness ram pum huapin a kalpui niin, he campaign ah hian Kawthalo natna chungchang a chin chhuaka zirtirna leh inven dan te inzirtirin, a enkawlna kawngah pawh a mipui te tan a tangkai ngei tura rin a ni.

Campaign hlawhtlin nan hian Paul L Khuma, Deputy Commissioner, Serchhip District chuan department hrang hrang: PHED Serchhip WATSAN Division, Health & Family Welfare Department, Rural Development Department, Women & Child Development, School Education Department hotute Convergence Meeting a neihpui hnuah Campaign hi kalpui a ni ta a ni.

@Chhiahtlang_Urban