PWMU Seling Kalpui Dan Tur Chungchang Darlawn RD Block ah Inrawnkhawmna Neih A Ni
Ni 17.5.2024 Zirtawpni kalta khan Plastic Waste Management Unit, Seling khaw ram chhunga din tur chungchang ngaihtuah chhunzawmna Darlawn Block Resource Centre ah Darlawn RD Block khaw 24 hruaitu te nen neih a ni a, he hun hi Er. Lallianmawia, Sr. EE, Rural Watsan Division in kaihruaiin, Director leh PHED staff thenkhat te nen hun hman a ni.
He sawihona hunah hian PHED in PWMU hmalakna a a thawhpui, Pu Laldinthara, CEO, Waste Tech and Bio-energy chuan presentation bengvarthlak tak neiin, hmalak zel dan tur a tarlang. He hunah hian bawlhhlawh thawihtheilo in kan hriselna a tihchhiat theihzia te sawi niin, hmasawn a ngaih nachhan zirtirna hun pawimawh tak neih a ni a, Pilot project a PHED in a lo neih tawh Aibawk PWMU lokal pui tawh dan en ho niin, mipui te thawhhopuina tha avanga kalpui theih a nih dan te sawi lan a ni.
Plastic sawngbawlna hmun hi a hmunhma buatsaih a nih chhungin khawtlang hruaitute chu mipuite rawn khawma Gram Sabha lo nei tura thuthlukna siam a ni a, Zirtirna (awareness) kalpui ngai kan awm a nih chuan a rang lamin in report ni sela, ‘ṭawihtheilo sawngbawlna hmun hi Thingsulthliah RD Block huamchhungah hian a hmun hi din ni sela, ruahmanna anga kalpui theih nise, department hmalakna tur hi ṭha kan ti e tiin thuthlukna siamin hun khar a ni.
