SWACHH BRARAT MISSION GRAMEEN

PHED Serchhip

Invitation to Women Changemakers as Special Guests for

75th Republic Day Celebration, 2024 @DELHI

Report

Delhi lamtluang:

            Ni 24 January (Nilai ni), 2024 chawhma dar 10 a.m. ah E-in-C PHED Office, Khatla Veng, Aizawl ah zin turte hi inhmuhkhawmin, Er. Duhkima, Mission Director telpuina in infuihna, thlalakna hun leh inthlahna hun an hmang a. Office atang hian Department bus thar hmangin Lengpui lam an pan leh ta a ni. Lengpui ah hian security checking paltlangin Flight hi chawhnu dar 1:40 p.m ah chuangin. Dar 1:50 p.m. ah an thlawk chhuak a ni. Thlawhna ah hian refreshment te ei in, thli a nat deuh avangin kal lamah hian thlawhna zinkawng pangai zawh theilo in dar 5: 15 p.m. velah Terminal II, Indira Gandhi Airport, Delhi ah an tum a, airport ah hian Ministry lam ina an guide tura a ruat, Pu Ashish-a, Delhi Police chuan bus nena lo hmuak in Mizoram House, Visant Vihar an pan ta a ni.

Delhi ah Chawhlui min buatsaih:

            Ni 25 January (Ninga ni) 2024 chawhnu dar 2:50 p.m. ah Mizoram House atangin guide Pu Ashish-a’n bus a rawn lam leh in Bharat Mandapam, Auditorium 2, Pragati Maidan hmun ah a hruai a hetah hian Swachh Bharat Misssion Grameen lama hotu lu pathum :-

  • Gajendra Singh Shekhawat – Hon’ble Minister of Jal Shakti,
  • Shri Rajeev Chandrashekhar – Hon’ble Minister of State for DDWS, MSDE & MeitY
  • Shri Bishweswar Tudu – Hon’ble Minister of State for Jal Shakti & Tribal Affairs

 te chuan state hrang hrang atanga kalkhawmte chu inkawmhona neihpuiin, Mizoram group pawhin he hunah hian tel ve in, an hlawkpui hle in an hria a ni. Inkawmhona programme hi zan dar 8:15 p.m. velah huntawp siamin, chawhlui kilna hun an hmang nghal a ni. Chawhlui kil hnu hian kalhawm in Mizoram house thlengin Ashish-a’n bus in a thlah leh a ni.

Republic day a hmunah ngei:

            Ni 26 January (Zirtawp ni) 2024 zing dar 6:05 a.m. ah bus hmangin Pu Ashish-a’n Mizoram House atangin Jor Bagh Metro Station a pan pui a, heta tang hian station hnih paltlangin Central Secretariat Station ah an chhuk a. Heta tang hian ke a kalin Kartavya Path lam panin ke in an kal a, Security check point pali (4) paltlangin Parade ground hi dar 9:00 a.m. ah an thleng a ni. Parade ground ah hian

  • President of India – Droupadi Murmu
  • Prime Minister of India – Narendra Modi leh
  • President of Republic of France – Emmanuel Macron

 te’n India Flag zahna chibai an buk hnuah Parade leh Ralthuam ropui tak tak kawng rawn zawh te an thlir a. Sipai regiment hrang hrang te, sipai bike show leh state hrang hrang pual kawngzawh te an en hnuah hnam zawng zawng aiawh a lam (Diversity dance) ropui dan an thlir leh a. Parade khar nan Indian Airforce te hnen atangin Airshow ropui tak an thlir bawk a ni. Republic Day programme hi chhun dar 12:35 p.m. velah hmang zovin. Kalna kawng ngai ah let lehin, Pu Ashish-a’n Mizoram house thleng a thlah leh a ni.

Mizoram panin:

            Ni 28 January (Chawlh ni), 2024 zing dar 8:45 a.m. ah Mizoram house ah tukthuan kan ei a, chaw ei khamah Uber (Phone application) hmangin taxi an hire a, Indira Gandhi International Airport, Terminal III lam panin an chhuak leh ta a ni. Airport security an paltlang hnuah waiting area ah 15 minutes vel Fight delay an nghah leh hnuah an chhuanna tur thlawhna lutin. 12:20 p.m. ah Delhi chhuahsan in Lengpui Airport panin darkar 2 vel thlawhna ah an chuan hnuin dar 2:30 p.m. ah Lengpui Airport ah an tum ta a ni. Lengpui ah hian PHE Department bus, kal lama hruaitu te khan lo hmuak leh in, Lengpui ah hian Chawchhun ei ina an chawlh zawk hnuah Aizawl lam panin an lo chhuak leh a. Tlai dar 4:30 p.m. velah tluang takin Aizawl an lo thleng leh ta a ni.