NATIONAL LEVEL FILM COMPETITION
Dt: 16th June 2023, Department of Drinking Water and Sanitation(DDWS), Ministry of Jal Shakti, Central sawrkar bultumin, rampum huap Lemchan tawi (Short Film) siam intihsiakna buatsaih a ni dawn a. A hnuaia kan tarlan ang hian Pakhatna atanga Panga-na dinhmun chelhtu te hnenah lawmpuina certificate leh sumfai hlan a ni ang.
![](https://blog.phedmz.in/wp-content/uploads/2023/06/IMG-20230616-WA0014-1-819x1024.jpg)
Film ah hian ODF Plus Model village-a vantlangin faina lam hawi hmalakna hrang hrang (entirnan: Bawlhhlawh sakhat tihralna/sawngbawlna te, tuichhia tangkai zawk a hman tura sawngbawl te, khawtlang, a landan hrim hrim pawh a alo felfai zawkna) te a mihring chengte tan a hlawkthlak zia mi mawlmang berte tan pawh a hriatthiam theih tura chan tur a ni dawn a ni.
He intihsiakna buatsaih kawngah hian India ram hi zone hrang hrang ah then a ni a. Mizoram pawh North East Zone ah dah kan ni a. Heng zone then ah theuh te hian State emaw UT engemaw zat dah zel an ni a, state tin atanga a tha pathum thlan chhuah an nih hnuah, video chu Zone dang ami te nen tehkhinna neih a ni anga, chuta tang chuan Pakhatna atanga panga-na chu thlan a ni tawh dawn a ni.
![](https://blog.phedmz.in/wp-content/uploads/2023/06/IMG-20230616-WA0015-1-819x1024.jpg)
He competition kalphung leh hriat tur pawimawh te-
- India khua leh tui, a leilung fa zawng zawng mimal emaw pawl tan pawh a tel theih a ni ang.
- Film thehluh theih hunchhung hi 1st June, 2023 atanga intan in 15th August 2023(Independence Day) ah khar a ni ang.
- A film sei zawng hi 4 minutes niin, fiah leh felfai tak a ni tur a ni.
- Film ah hian Swachh Bharat hmalakna te leh faina kawnga vantlang anga kan neih ngai loh kan neih tak thilte tarlan tur a ni ang.
- Film hi Mizo tawng a siam a nih pawhin, hnam dang leh hmun dang hla zawk a mite’n an lo en theih turin Subtitle-Hindi emaw Engish a dah tur a ni ang.
He intihsiakna a tel tum te tan mahni district a SBM-G(PHED) ah in report theih a ni ang.
ODF hi Open Defecation Free tihna a ni a, Mizo tawng chuan pawn lera inthiar awm tawh lohna tihna mai niin. ODF Village kan tih chuan pawn lera inthiar mai mai an awm tawh lohna khua tihna a ni. Tichuan, ODF Plus Village ah chuan ODF nihna a vawnnun reng bakah bawlhhlawh sawngbawl te, Tui chhia(gery water) tangkai zawka hman te, inthiarna thli (Black water) fimkhur leh mumal zawk a luanraltir te leh a landan ah pawh fai leh thianghlim a ni tur a ni.