Ruahtui Khâwl – Rainwater Harvesting

PMU PHED

Kan chenna khawvelah hian tui hi tam hle mah se, a thianghlim hi chu a tlem em em a, ruahtui kan dawn bak hi chu tui thianghlim chu tlem te a ni. Ruahtui pawh lei a thlen thlak a lui tuiah emaw
a luan luh tawh chuan kan chet dan phung thianghlim tawk loh vangtein bawlhhlawh tam tak luiah luan luhpui ṭhinin kan lui tuite pawh a tibawlhhlawh ṭhin a ni. Chu vang chuan ruahtuiin lei a thlen hma a lo lak khawm hi thil ṭha leh ṭangkai tak a ni. Mizoramah chuan ruahtui hi state dangte aiin kan kan dawng ṭha em em a, chuvangin van malsawm ruahtui kan dawnte hi kan khawl khawm thiam chuan tui thianghlim hnianghnar takin kan nei thei dawn a ni.

Rainwater Harvesting (RWH) han tih hian ruah tui tla leia luang ral tur lo khawl khawm hi a ni. Ruahtui leia a lo tlakin leiin a lo eiral a, lei hnuaia tui a zuk finin lei hnuai tui te a tipung ṭhin a ni. Heihi ground water recharge tih a ni. Ruahtui luang ral mai tur kan khawl khawm hian ṭhatna tam tak a nei a, chu’ngte chu a ṭhen chauh han tarlang i la:

  • Tui thianghlim hman tur awlsam takin min pe
  • Tuihawk kawng bo a vengin lui tuia bawlhhlawh tam tak a luan luhpui tur a titlem bawk
  • Ruahtuiin kan lei chunglang tam tak a luan ral pui tur a ti tlem
  • Leihnuai tui a tipung
  • Irrigation atan

Ruahtui khawl khawm dan:

  • Roof top rainwater harvesting (RTRWH):
    Hei hi inchunga ruahtui tla lo dah khawl a ni.
  • Surface runoff harvesting: Heihi ruahtui kawng bo kan tih mai, kawr leh lui tuia a luan luh hma a lo khuapin emaw, lo la pengin, hei hi lei chhungrila luhtirin (ground water recharge)  maw, thlai tui atan emaw, tih thianghlim hnuah kan mamawh hun atan te a hman leh theih a ni. Ground water recharge chu khur siam (trenching) leh thing phun hmang tein a tih theih a ni.

    Ruahtui khawl khawm dan chi hrang hrang zingah RTRWH hi han thlur bing deuh bik ta i la:
    ⦁ Ruahtui hi tui dang kan hmuhna hnar hrang hrang te aiin a thianghlimin he’ng bacteria leh organic matter te hi a awm lo a ni
    ⦁ RTRWH hi a awlsamin a hautak lo a, mi zawng zawngin an tih theih a ni
    ⦁ Awlsam takin kan kawt kaiah tui thianghlim min pe
    ⦁ Ruahtui luang ral tur tam tak kan hmang ṭangkai
    ⦁ Inchunga ruahtui tla lo khawl hi lei a thlen hnu khawl aiin a thianghlim zawk a ni

    RTRWH hi thil ho te, mitinin a kan thiam leh tih theih niin a hautak lo hle bawk a ni. Kan in chung hi ruahtui lo tla dawngtu (catchment area) atan hmangin, ruahtui lo tla khawmte hi tui-dawn (gutter) emaw, remchang dang hmangin kan la khawm thei a ni. He’ng kan lak khawmte hi a tui dahkhawlna zem(water tank) ah pipe hmangin emaw, thil dang hmangin emaw kan dah lut nghal thei a ni.

    RTRWH atana hriat tur pawimawh zual deuh deuhte:

  • In chung a thianghlim tur a ni a, lei nawi leh thil dang a awm tur a ni lo
  • In chungah chemicals, thir tui-ek te leh in chhung tih faina hmanrua detergent chi hrang hrang te dah loh tur a ni
  • Sava leh rannung ten bu an nei tur a ni lo
  • In chungah inthiarna siam loh tur
  • Ruahtui tla hmasa reng reng chu paih hmasak tur a ni
  • A dah khawlna (water tank) kan tifai ṭhin tur a ni

Rainwater harvesting Leaflet (PDF)