JAL ARPAN DIWAS PRPGRAMME HMANG

Ni 10.02.2026 (Thawhlehni) hian Ministry of Jal Shakti Govt. of in India Department of Drinking Water & Sanitation in India ram hmun hrang hranga Jal Arpan Diwas (Tui inhlan chhawnna Ni) hmang tura a beisei angin Serchhip District a Khawlailung khuaah he hun hi hman a ni.
Bunghmun YMA Hall ah hun hman niin Er. Isaac Lalchhuanmawia Sr.EE PHED Serchhip chuan Khuallian niin a hmanpui.

Er. T. Mangliandinga, bialtu SDO in he hun hi kaihhruaiin Jal Arpan Diwas awmzia a sawifiah a, kalkhawm mipuite lawmna thu leh Program hman a nih chhante a sawifiah, Rev. P.Laltlanhlua’n hunserh hmangin programme te Pathian hnenah a hlan ani. .

Chief Guest Pu Isaac Lalchhuanmawia chuan thu sawiin he programme ah hian MP, MLA emaw elected member dang te Khuallian tur a beisei tur an nih thu te a sawi a, Khawlailung khua he hun hmanna tura thlan a nih dan te a sawi.
JJM Water Supply Scheme te Khawtlangah kutah hlan a lo nih tawh tho dan te sawi langin, Central Sawrkarin Jal Arpan Diwas a rawn ruahman takah chuan vawiin hun hi Official taka khawtlang kut a hlanna ni a pawm tur a nih thu a sawi. He scheme hnuaiah hian in tinin Tap Water connection an nei ngei tur ah ngaih tawh a nih thu sawiin lo la nei lo palh kan awm a nih chuan inhriattir zel turin a chah bawk.
Sawrkar chuan tui hnianghnar zawk kan neihna tur a a tih theih sang tak a ti tawh thu sawiin heng kan tui lakna hnar Bunghnuai lui leh a chhehvel ram te lo dimdawih a, lo humhalh tlat tur leh tui hniahnar zawk kan neih zelna tura Operation & Maintenance hna thawh hi mipuite kut a nih tawh dawn thu a sawi a, neitu kan nih inhria a thahnemngaihna rilru kan put chhoh a kan ngaipawimawh a tul hle a ni a ti bawk. Tin, a enkawl na khawnga hma la tu ber VC/WATSAN ten ruahmanna a siam te lo zawm a, tui fee tha taka lo pe tur in mipuite a sawm. He tui enkawlzui na tur hian 15th FC atang te, MGNREGA, MP leh MLA fund hnuaiah te leh scheme dang ah te pawh funding a tih theih thu a sawilang bawk. Tin, tui lakna kawnga harsatna kan lo tawk a nih chuan Department te pawn theihtawp an chhuah zel tur thu a sawi.
Khuallian chuan sawi chhuzawmin bawlhlawh sawngbawlna chungchangah hmasawnna kawng zawh zel turin kalkhawmte a sawm a, sawrkar ruahmanna zawm loh a hlauhawm na tur sawi langin bawlhlawh te kan lo paih thin ang a kalpui a rem tawh lo a ni tiin, Sawrkarin kan that tlanna turin la khawm a sawngbawl ngei turin min nawrlui a ni a ti.
He hun kan hman hi mitin tan fai leh thianghlim a kawngah te, tui humhalhna kawnga kan hmasawnna ni ni ngei se a ti awl.

Pu H. Sawihlira, VCP Khawlailung in thusawiin PHE Department te chu tui enkawl zui kawngah pa chan rawn chang zel se a duh thu a sawi a, ramngaw siam pun deuh deuh a tuk thu sawiin chutiang kawnga mipuite theihtawp a hma la zel turin a sawm a, mahni in enkawl tur kan nih angin tui fee te tha taka pe turin mipuite a sawm bawk.

Chairman chuan kan tui lak Solar Pump vilzui a enkawltu tur mithiam mamawh belh a nih zel dawn avangin training neih leh tur a hmalak a nih thu a sawi lang. Pu H. Lalhunliana, WATSAN Secretary hnen atang report ngaihthlak a ni bawk.

He tui inhlan chhawna hi Sr.EE, PHED leh VCP ten hming sign in an nemnghet a, Pi Lalrinmawii, FTK trained person kaihhruaiin Jal Sankalp (Water pledge) Tui vawng thianghlim tur leh humhalh tura thutiam lakna hun hman a ni bawk.

Tin,he hun ah hian Solo leh Cultural Items (Par lam) te entir a ni bawk.

Pu R. Lalrosiama, JE in lawmthu sawina neiin, hun tih tawp zui a ni.