District Water & Sanitation Mission Meeting neih ani
He meeting hi Paul L.Khuma, Deputy Commissioner, Serchhip chuan kaihhruaiin, member lo kal te lawmna thu a sawi a, Er. Isaac Lalchhuanmawia, Sr.EE, Member Secretary sawmin kan agenda te sawifiah a, meeting neih a tul chhan te sawi zau turin a sawm.
Hengte hi thurel tlangpui a ni :
1. Status/Overview of Water Supply Scheme under Serchhip District :
– Er. Isaac Lalchhuanmawia, Sr. Executive Engineer, PHED, chuan tun dinhmun a Serchhip District chhung a khaw hrang hrang Water Supply report a pe.
– Khaw thenkhatah khuarel chhiatna avanga tui harsatna thleng a awm thu a tarlang bawk
– Tui harsatna tui lak source that tawk lo te, pipeline chhia te leh harsatna dang awm mek te sukiang thei tur a hma lak chhoh dan tur sawi ho a ni.
2. Constitution of District Technical Unit (DTU) :
– State Sawrkarin inkaihhruaina mumal tak a siam hunah din mai nise tih a ni.
– DTU hian Water Supply leh Sanitation project te a tul angin a vil ang.
3. Jal Arpan Diwas Programme :
– Jal Arpan Diwas programme chungchang sawiho niin ruahmanna tlangpui sawiho a ni.
– Schools, NGOs, leh khawtlang mite tel ve dan ngaihtuah nise tih a ni.
– A hun leh hmun te PHE Department ten thutlukna lo siam se tih a ni.
– Chief Guest ah MLA sawm nise tih ani.
4. Land for Sewage Treatment Plant at Serchhip :
– Sewage Treatment Plant hmun tur ram chungchang sawi ho a ni.
– Mimal/VC ram biak rem a tul a nih pawhin a rang lama tih fel dan kawng zawn nise tih a ni a.
– Joint VC ten mimal ram neitu te lo dawrin an indawr dan te PHE Department ah ni 4th February 2026 hma in report nise tih a ni.
Chairman hian lawmthu sawina in meeting hi a titawp.
