District Water & Sanitation Mission (DWSM) Meeting.

PHED Champhai

Ni 11 July, 2025 dar 11:00 a.m. ah DC Conference Hall, Keifangtlangah DWSM meeting neih a ni. DC & Chairman ni bawk Mohammad Aaquiba’n kaihruaiin Er. Darthangvunga EE & Member Secretary chuan kal khawmte lawmin meeting neih a nih chhan sawifiahna hun a nei a, Er. C Zothansanga SDO(P)-in JJM chungchang leh achievement report pein, Julie C. Mawii District Coordinator chuan SBM-G hmalak tawh nate sawiin SSG chungchang leh hmalaknate hrilhhriatna hun nei bawk.

Meeting-ah hian Champhai District Jal Jeevan Mission hnuaia a hlawhtlinna te, Swachh Bharat Mission – Grameen (SBM-G) hnuaia hmasawnna leh hmachhawp te, leh Swachh Survekshan Grameen 2025 hnuaia hmachhawp te sawiho a ni. Chairman Pu Mohammad Aaquib chuan hlawhtlinna leh hmasawnna tam tak a awm avangin lawmthu a sawi a, hmachhawp hrang hrang te hlenchhuak ngei turin member te tangruala taima taka thawk turin a chah a ni.

            Jal Jeevan Mission hnuaiah Champhai District chu ‘Har Ghar Jal’-ah puan a ni tawh a, chutiang bawkin Swachh Bharat Mission Grameen (SBM-G) hnuaiah pawh Champhai District chu ODF Plus district-ah puan a lo ni tawh a ni.

            SBM-G hnuaia peng Pakhat Swachh Survekshan Grameen (SSG) khawfai endik hna hi kal pui tur a ni a, kumtin tih thin niin endik hna hi Academy of Management Studies (AMS) ten an kalpui dawn a ni. SBM-G hnuaiah hian khua 42 a awm a, heng khua atang hian khaw 20-ah endik hna hi kalpui tur a ni. Endiknaah hian full mark chu 1000 a ni dawn a, endik tur te chu Household-ah te kalin interview te an nei ang a, khawtlang hruaitute bakah kohhran hruaitute pawh an kawm dawn a ni. Community centre kan tih heng – biakin, community hall, bazaar etc te pawh endik tur zingah hian a tel a ni. School, anganwadi leh health centre te pawh endik tur a ni. SBM-G assets an lo pek tawh compost pit te ,soak pit te, segregation shed te, CSC te, Faecal Sludge Management (ek paihna) te leh Plastic Waste Management Unit (PWMU) te pawh endik a ni ang. Endikna kal zelah hian citizen feedback pawh a tel a, hei hi Mobile phone hmanga chhan tur a ni.