Orientation Workshop on Swachhata Green Leaf Rating : Champhai District
PHED & Tourism Department Champhai buatsaihin Swachhata Green Leaf Rating chungchang inzirtirna neih a ni
Champhai, 29th August 2024: Vawiin khan PHED & Tourism Department, Champhai buatsaihin Swachhata Green Leaf Rating chungchang inzirtirna neih a ni a. Er. Thanchungnunga, SE, PHE, Champhai Watsan Circle chuan khuallian niin a hmanpui.
He hun hi I&PR Auditorium, Chanem, Champhaiah neih a ni a. Khuallian Er. Thanchungnunga, SE, PHE, Champhai Watsan Circle chuan thu sawiin
Swachhata Green leaf rating chungchang hmalakna hi Department of Drinking Water and Sanitation leh Ministry of Tourism in ‘Travel for Life’ campaign hnuaia a duan niin khualzinte chawlh hahdamna/thlenna hmun hrang hrang Resort, Hotel, Homestay leh Lodge ten faina lama kaihruaina duante a zawm that leh that loh tehna tura duan chhuah a ni, a ti a. Swachhata Green Leaf Rating hnuaiah hian rating system hi thuang thuma then a ni a ti bawk.
Khuallian chuan faina ngaih pawimawh a ngaih zia sawiin, Tourist Lodge hrang hrang leh Home Stay te hi mi tamtak tlawh leh thlenna a nih avangin kan tih thianghlim a kan vawn fai a ngai a ni a ti a, thlen chakawm leh nuam a kan siam theih nan a hmunhma te kan tih fai a, tui hnianghnar a kan Siam mai bakah a velah thing kan phunin hmun nuamtakah kan Siam a ngai a ni a ti bawk.
Tunah hian Champhai disrict ah resort, hotel, homestay leh Lodge hrang hrang 41 a awm mek a, Rating hi chi thum siam niin chungte chu 1-leaf status, 3-leaf status leh 5- leaf status te an ni a. Heng zingah hian 5- leaf status chu sang berin 1- leaf status chu a hniam ber a. Leaf status pek nan hian scoring system pathum, Bawlhlawh sakhat sawngbawl dan, ek thli sawngbawl dan leh Tuichhe sawngbawl dan te chu hman niin mark hmuh theih zat hi avaiin 200 a ni ang a. FSM leh SWM chuan mark 80 pu ve ve in GSW chuan marks 40 a pu thung ang.
He hun hi Er. ZD Dengthuama, EE, PHED & Member Secy. DWSM chuan a kaihruai a. Resource Person C. Lalrinpuii, Asst Tourism Officer, Champhai District leh Julie C Mawii, District Co-ordinator. DWSM, Champhai district te chuan resort, hotel, homestay leh Lodge hrang hranga kalkhawmte hnenah an hriattur leh pawimawh hrang hrang zirtirna an pe bawk a ni.
