STOP DIARRHOEA CAMPAIGN 2024
Department of Drinking Water & Sanitation chuan 1st July, 2024 atanga 31st August, 2024 chhung hian “Stop Diarrhoea Campaign 2024” a buatsaih a, thupui atan “Kawthalo ven nan faina leh ORS a pawimawh” tih hman a ni. Ni 1 July, 2024 khan Pu James Lalrinchhana Deputy Commissioner hovin Line Department te nen District-ah launch a ni. He mi campaign kal zelah ni 30 July, 2024 khan District Water and Sanitation Mission Champhai District hmalaknain Melbuk leh Zokhawtharah Awareness Campaign neih a ni a, he hunah hian Melbuk leh Zokhawthar WATSAN Committee mai bakah School Teacher, Anganwadi Worker, ASHA, SHG leh khawtlang tana mi pawimawh tak takte nen hun hman ho a ni a, kut sil dan dik poster leh IEC material thahnem tak sem a ni bawk. Campaign kal zelah WATSAN Committee te, Teacher, ASHA, Health Worker, Anganwadi Worker te an mawhphurhna te hrilh niin Campaign period 1st July – 31st August chhunga Week Wise Activity an neih te report turin hrilh hriat an ni.
Khawbung Block lamah pawh Awareness hi Chemist kaihhruaina hnuaiah an khaw tui tlante test niin, School leh Anganwadi ah Awareness te neih a ni a, poster-te kengin kawthalo laka him nan kut sil fai tangkaina leh tui thianghlim chauh in a tul thute an hrilh. Practical in kut sil dan an zirtir an ni a, an kalnaah hian poster leh IEC materials te an sem nghal zel a ni. An tuizem/tanky-ah treatment pe zelin, an lo chhunzawm zelna tur chlorine tablet te pawh pek an ni. An tuite FTK hmanga test sak nghal an ni bawk.
