ONE DAY TRAINING ON WATER & SANITATION FOR VILLAGE FUNCTIONARIES AT REIEK

PHED Mamit

Vawiin ni 16.02.2024(Friday) khan Convention Hall, Reiek ah Rural Village WATSAN Committee Reiek Block huam chhung ami te tan Tui leh Faina chungchangah training neih a ni. He hun hi Er. Helen Saibuangi, Sr. Executive Engineer, PHED Mamit WATSAN Division chuan kaihruaiin kalkhawm te hnenah training te hlawkpui taka hmang ngei turin duhsakna a hlan a ni.

Pi Lalduhsangi, Dist. Co-ordinator chuan SBM(G) chungchang sawi zauhna neiin, VWSC te chanvo leh mawhphurhna hrang hrang te sawiin, kalkhawm te hnenah nasa zawka tan lo la zel turin a fuih a ni.

Er. Lalthantluanga Khiangte, Programmer PHED Aizawl chuan 15th FC chungchang sawi fiahna leh zirtirna a nei a, hemi hnuaia hnathawh tur hrang hrang te leh a hnathawh dan kalhmang te hrilhfiahna a nei bawk a, zawhna hun hawn niin kalkhawm te atangin zawhna awm te in hrilhfiah nghal a ni.

Er. R. Lalbiaknungi, Consultan,PMU, PHED, Aizawl hnen atangin ‘Source Sustainability & Catchment Area Protection’ tih topic hmanga thusawi ngaihthlak a ni bawk a ni.

P.C Zohmingliana, Bacteriologist District laboratory, Mamit in tui quality enfiah dan leh a pawimawhna te sawiin, zawhna leh chhanna hun te hawngin, hriat fiah loh lai te in hrilhfiah nghal a ni.

Er. Malcolm Lalhmingliana. Sr. Sub-Divisional Officer, PHED Mamit WATSAN Sub-Division chuan ‘Operation & Maintenance of JJM’ tih topic hmangin thu a sawi a, JJM hmalakna te enkawl zui pawimawh zia leh kan mawhphurhna a nih dan te a sawi fiah a ni.

Er. Helen Saibuangi hnen atangin thusawi te khaikhawmna leh lawmthu sawina te ngaihthlak a nih hnuin kan hun hman hi khar zui a ni.

Training-ah hian Reiek Block huam chhunga khua zawng zawng te an rawn kal kim vek a ni.