SWACHHATA HI SEVA HAWNNA HUN LEH TRAINING BUATSAIH

PHED Serchhip

Vawiin (Date: 22nd Sept, 2023) khan D.C. Conference Hall, Serchhip ah Swachh Bharat Mission-Gramin hnuaia Faina beihpui kalpui mek SWACHHATA HI SEVA 2023 hawnna hun Addl. Deputy Commissioner Pu Lalnithanga, MCS hova hman a ni a, he hunah hian 15th Finance Commission chungchang inhrilhfiahna hun hman nghal niin. Serchhip District a khaw hrang hrang Village Council President leh Secretary (Rural leh Urban area) bakah Officials te nen mi 105 vel an kal khawm a ni.

He hun hmanna hi Samuel Lallawmzuala, District Coordinator in kaihhruaiin Swachhata Hi Seva 2023 awmzia leh a thiltum bakah 15th Finance Commission chungchanga training buatsaih a nih chhan te a sawi fiah a, Pu James Lalnithanga, Addl. Deputy Commissioner, Serchhip chuan Swachhata Hi Seva 2023 hawnna a neih pahin 15th Finance Commission chungchanga training buatsaih a nih chu lawmawm a tih thu leh training a lo kal zawng zawng ten hlawk taka an hman theuh a beisei thu a sawi.

Pu Gaston Vanlalhriatpuia, DLAO & DUDO, Serchhip in 15th Finance Commission 2021-2022 Tied Grant-a hmalak tawh chin te sawifiah in Swachhata Hi Seva 2023 chu khawpui chhungah pawh UD&PA hmalakna in kalpui mek a nih thu a sawi bawk a, Town VC zawng zawng te Faina beihpui thlak mekah theihtawpa tan la turin a sawm a ni.

V Lalnuntluanga, District Project Manager-in 15th Finance Commission Geo-tagging chungchang leh hna felfai zawk a kalpui a nih theihnan zirtirna a pe bawk.

Er. Isaac Lalchhuanmawia, Executive Engineer, PHED Serchhip chuan Operation and Maintenance & Sewage Management chungchangah zirtirna a pek bakah 15th Finance Commission Tied Fund (Water & Sanitation) chu PHE Department te chan anih angin VC te’n PHE Department lam nena thawhhona neih that a pawimawh zia a sawi bawk a ni.

Er. Samuel LR Ralte, Sr. SDO PHED, Serchhip chuan Disinfection of Water by Bleaching Powder tih thupui hmangin kalkhawmte zirtirna a pe a, Bleaching powder hman dan tur te chipchiar takin PowerPoint Presentation hmangin a nei a ni.

Executive Engineer, PHED in VC kalkhawm zawng zawngte’n tangkai taka an hman tura a lei sak Bleaching Powder (1 Package) theuh hlanna hun hman a ni bawk.

Er. HL Thangvuta, SDO Tlungvel Sub-Division in lawmthu sawina hun neiin training hi a khar a ni.
He training ah hian Urban/Town VC atangin 26 leh Rural VC atangin 72 an tel thei a ni.