WORLD WATER DAY 2025 INTIHSIAKNA

PMU PHED

Project Management Unit, PHE Department chuan kum danga a lo tih ṭhin dan angin kumin World Water Day, March ni 22 a lawm tur pualin intihsiakna hrang hrang a buatsaih leh dawn a, kumin hian intihsiakna pathum, Reels Insiamsiak, Hlahril (Poetry) Inphuahsiak leh Online Slogan Competition te an ni ang. Intihsiaknaa tel duhte tan thehluh theih hun chhung hi 12th March, 2025 thleng hun hawn a ni a, a hnu lamah thehluh chu pawm a ni tawh lovang.  

A hnuaia kan hmuh ang hian intihsiakna hrang hrang chu kalpui tur a ni e :-

ONLINE SLOGAN COMPETITION :

  • 1st Prize : Rs. 5,000
  • 2nd Prize : Rs. 3,000
  • 3rd Prize : Rs. 2,000

(Consolation prize, a tiṭha pangai hnenah Rs. 1,000 ṭheuh pek an ni ang)

KAIHHRUAINA : Tui lam hawi leh Faina leh Thianghlimna lam hawia slogan hi phuah tur a ni.Mi pakhatin slogan duh duh zat a thehluh theih a nia, thehluttu chuan mahni phone number chiang taka tarlan tur a ni.

A hnuaia tarlan thupui hmangte hian slogan (auhla) chu phuah tur a ni.

TUI CATEGORY-ah

  •     Mihring tana tui thianghlim pawimawhzia.
  • Tui ren a ṭulzia.
  • Tui hnar humhalh/venhim a ṭulzia.
  • Hnianghnar zawka tui kan neih theih nan mipui ṭanrual a pawimawhzia.
  • Tui leh thianghlimna hi thil inzawm tlat a ni.
  • Sik leh sa inthlak vanga tui harsatna.

FAINA LEH THIANGHLIMNA CATEGORY-ah

  • Plastic bawlhhlawh senghawi leh sawngbawl chungchang inzirtirna lam.
  • In thli/tuichhia felfai zawka sawngbawl dan.
  • Ek in him leh ṭha siam pawimawhna.
  • Bawlhhlawh sakhat leh tuiril mumal taka senghawi pawimawhna.

Thehluhna tur: Instagram account (@washpmuphed_mizoram) leh Youtube Channel (PMU PHED MIZORAM) ahte SBM-G Ambassador, Zira PC nen ṭangkawpin post siam a ni ang a, chumi post comment section lamah chuan comment hmangin mahni slogan (auhla) phuahte thehluh mai tur a ni. Endiktute tan intihsiaknaa telte biakpawh an awlsam zawk nan slogan kan submit hnuaiah mahni phone number dah tel tur a ni a, , instagram leh youtube platform lama post-ah te hian duh zawk zawkna leh duh zah zah thehluh theih a ni, hemi post bik chauh hi slogan competition atan hian pawm a ni ang a, email hmang leh sms a thehluh pawm a ni lovang.

REELS INSIAMSIAK

  • 1st Prize : Rs. 20,000
  • 2nd Prize : Rs. 15,000
  • 3rd Prize : Rs. 10,000

(Consolation prize, a tiṭha pangai hnenah Rs. 2,000 ṭheuh pek an ni ang)

Peoples Choice : Rs. 2,000

KAIHHRUAINA :

Thil tum: Reels hmanga tuihna humhalh leh faina lam hawia mipuite zirtirna lam phawkchhuak thei a ni tur a ni.

Tel theite: Intihsiaknaah hian tu pawh, mimal, pawl, thianzaho, school, college anga tel theih vek a ni.

Reels Kaihhruaina:

1. Duration: 30 seconds ai tawi lo leh 60 seconds aia sei tur a nilo.

2.Content: Reels hian a tinzawn tur bikte chu :-

  • Tuihna humhim dan tha zawk
  • Tui hman dan tangkai zawk
  • Kan nitin nuna tui pawimawhna leh a lova kan awm theih lohna
  • Kan lui tuite kan tih bawlhhlawh vanga chhiatna min nghawngte
  • Kan khawtlang emaw pawlin tuihna humhalhna kawnga chindan phung ṭha kan neih kan hlawhtlinpui.
  • Tui remchem dan tha zawk
  • Plastic bawlhhlawh vanga kan buaina
  • Sik leh sa inthlak vanga tui harsatna.

3.Format: A hnuaia kan hmuh hmang hian duh dan danin reels chu siam theih a ni :

  • Short film
  • Animation
  • Stop-motion video
  • Time-lapse video
  • Live – action video

4.Background music: Reels hian music a keng tel tur a ni a, mahse copyright nei a ni tur a nilo.

5.Captions & Narration: A remchan dan angin caption, subtitle leh narration-te pek phal a ni.

6.Phal loh: Reels hi AI Generated video/AI siamchawp ni lovin a thehluttu siam ngei a ni tur a ni.

7.Deadline: 12th March, 2025 thleng thehluh theih a ni.

Thehluttu chuan hmingpum/pawl hming, ig account, phone number, address kimchang chiang takin a tarlang tur a ni.

Thehluhna tur: wssomizoramiec@gmail.com

8.Kan instagram account @washpmuphed_mizoram ah ni 11 March,2025 aṭangin reels thehluhte hi post a ni ang a, post comment leh like nei tam ber ‘People’s Choice’ thlan a ni ang a, lawman kan dawng emaw, kan dawng lo emaw, post comment leh like nei tam ber a nih phawt chuan ‘Peoples Choice’ nihna hi pek an ni ang a, hei hian Rs. 2,000 a keng tel ang.

HLAHRIL (POETRY) INPHUAHSIAK

  • 1st Prize : Rs. 10,000
  • 2nd Prize : Rs. 7,000
  • 3rd Prize : Rs. 5,000

(Consolation prize, a tiṭha pangai hnenah Rs. 1,000 ṭheuh pek an ni ang)

KAIHHRUAINA :

Thupui: A hnuaia tarlan hrang hrang aṭang hian Mizo ṭawngin duh duh thupui(theme) hman tur a ni.

  • Mihring tana tui thianghlim a pawimawhzia.
  • Tui ren a ṭulzia.
  • Tui hnar humhalh/venhim a ṭulzia..
  • Hnianghnar zawka tui kan neih theih nan mipui ṭanrual a pawimawhzia.
  • Faina leh thianghlimna pawimawhzia leh hriselna hnar a nihzia.
  • Tui leh thianghlimna hi thil inzawm tlat a ni.
  • Sik leh sa inthlak vanga tui harsatna.

Hriat tur pawimawhte:

  • Intihsiaknaah hian a duh apiang tan tel theih a ni a, a tel zawng zawngte’n a thehluttu hming, khua/veng leh phone number chiang tak a ziah lan tur a ni.
  • Hlahril hi chang thum ai tawi a ni tur a ni lova, thupui thlanchhuah ho behchhan hian title dah mai tur a ni a, title hi a nei ngei ngei tur a ni.
  • Word Document/PDF file format hmanga thehluh mai tur a ni.

Thehluhna tur: wssomizoramiec@programme

NOTE : Hriatthiam loh zawh chian ngai a awm a nih chuan phone no. 8014438728/8730972108 ahte hian office hun chhungin zawhfiah theih a ni e.