PLASTIC/SOLID WASTE MANAGEMENT CENTRE SERCHHIP DISTRICT AH A TAK A KALPUI A NI DAWN TA
Mizoram a a pathumna ni turin Plastic Waste Management Centre (Plastic bawlhhlawh sawngbawlna hmun) chu Serchhip ah PHED leh Green Herd SP te tangkawpin a taka kalpui turin hma lak mek a ni a, hemi a tan a mamawh hrang hrangte pawh peihfel khat a ni ta. Plastic sawngbawlna hmun hi Zalreng ram, New Serchhip ah bun a ni a, Serchhip District a khaw hrang hrang ah plastic bawlhhlawh te hi lakkhawm a ni dawn a, hemi atan hian mumal taka inremna kalpui a ni tawh bawk.
Vawiin Ni 7th Feb, 2025 (Zirtawp Ni) chawhnu dar 2:00 p.m. khan Plastic Waste Management Centre a thawktu tur te Interview neih a ni a, Post hrang hrang atan hian thalai rual mi sawmthum (30) chuangin he hna hi an dil a ni.
Hetiang hi a enkawltu tur post awm dan a ni :
Manager : 1 post
Collector : 4 post
Segregator : 3 post
Driver : 4 post
Chowkidar : 1 post
Machine Operator : 1 post
Faina leh thianghlimna kawngah hma kan sawn zel nan te, kan ram leh kan tui hna te humhalhna kawnga hma kan sawn zel nan te thil tangkai tak tur a nih hria in mipuite pawh he hmalakna hi thlawp a, kan bawlhhlawh te pawh mumal taka khawl khawm turin kan in sawm a ni.