ODF PLUS: THAIZAWL, LUNGLEI DISTRICT

Lunglei District, Thaizawl khua te hian tunhma chuan Bawlhhlawh paihna bik neilo in, khawchhung hmun remchang, mahni inbul velah leh luikawr ah te an paih mai thina, heng an bawlhhlawh paih thin te hi, mihring tan a hnawkin, a tawp em em a. Tin, luikawr bawlhhlawh paihna hi kumtin hal a ni in, bawlhhlawh kangral zo si lo te a awm bawk thin a, khawtlang mipui tan harsatna tam tak a siam thin a, an bawlhhlawh hal khu hi hriselna a tan a tha lovin, air pollution nasatak a siam bawk ani.

Bawlhhlawh hal avang hian tlang hrileng te a tamin, inenkawlnan sum leh pai tamtak an in sen phah hial thin a ni.

SBM ‘G’ hmalak hnuah chuan nasa takin faina kawngah hma an sawn a, tunah chuan ODF Plus khua hial an lo ni ta ani.

Tunah chuan bawlhhlawh chungchangah, tawihthei leh tawihtheilo an thliar hrang a, tawithei paih na hi mahni compound theuhah paihna siamin, thlai chawmna atan an hmang tawh a, an thlai te pawh an that phah hle ani.

Tawitheilo bik hi chu chhungtin hian an khawl hrang a. Tin, khawlaiah te tawihtheilo bik paihna tur dah a ni a, zin veivak leh khawlai kal veivak ten an chhawr tangkai hle bawk a. Heng tawihtheilo bik hi WATSAN Thaizawl ten thlakhatah vawi hnih khawnkhawmin, VC in tawihtheilo paihna tur a ruat ah an paih thin ani.

Mipuite hi bawlhhlawh siam tlem tura inzirtir thin niin, WATSAN hian Sanitation fee ah hian, thlakhat a tan in tinah Rs.50/- zel a la thin. Tin, WATSAN Thaizawl hian faina thuziak te khawlai ah tarin, mipuite awareness a pe thin a, tun dinhmunah chuan khawtlang an faiin, hriselna thlengin hma an sawn hle ani.