SAWRKAR THAR HNUAIA PROJECT MANAGEMENT, PHED HMALAKNATE

PROJECT HLAWHTLING TAWHTE

ODF Plus :

Kum 2021 atanga tan, SBM Phase 2 in a tum bulpui ber chu Open Defecation Free (ODF) nihna atanga ODF Plus nihnaa inhlankai a ni a, he dinhmuna inhlangkai tur hian thingtlang khua chuan bawlhhlawh sakhat leh tuiril mumal taka tih rilralna turin soak pit leh compost pit an neih a ngai a, bawlhhlawh tawihthei lo dahkhawmna turin Plastic Collection Centre neihte, chhungtin bakah zirna in leh vantlangin ek in him tha an neihte, mipui vantlang zirtirna thuziak (wall painting) neihte leh hmuh theiha khaw fai an ni ngei ngei tur a ni. He dinhmun din hi tum bulpui ber a ni a, 22.7.2023 khan Aizawl District chhunga Maubuang khua chuan he dinhmunah hian an inhlangkai a, Mizorama thingtlang khua he dinhmun kai hmasa ber an ni. Chumi hnuah hun a kal zela, 13th July, 2023 khan Mamit District chuan district puma he dinhmun inhlangkai hmasa ber an rawn ni leh a, tunah hian he dinhmunah inhlangkai tawh bik hi district 8 an awm tawh a, chungte chu :-

1. Mamit (13.7.2023)

2. Kolasib (20.7.2023)

3. Serchhip (27.7.2023)

4. Champhai (13.10.2023)

5. Hnahthial (20.10.2023)

6. Aizawl (22.11.2023)

7. Khawzawl (31.10.2023)

8. Saitual (7.2.2024)

te niin, district 3 (Siaha, Lawngtlai leh Lunglei) ten an la hmabak mek a, anni pawh hian a hna thawh tur chu an zo fel vek tawh a, hnathawh zawh hnu hian Ministry lama in report-na software IMIS in a puan (declare) ve a ngaih thin a vangin, tunah hian IMIS hi a buai rih a, Ministry lamin an chinfel hun nghah phawt a ni. An chinfel hnuah chuan heng district 3 te pawh hi ODF Plus district a puan nghal theih tur a ni.

ODF Plus hmalakna hmang hian hengte hi Mizoram pumpuiah sak/siam a ni :-

1. Community Soak pit – 3,323

2. Community Compost pit – 2,552

3. Community Sanitary Complex (Vantlang inthiarna) – 333 villages

4. Individual Household Latrine (Mimal inthiarna) – 78,368

5. Wall Painting – 2,732

Aibawk PWMU :

Kum 2021 a din tawh, Aibawk PWMU chu kalpui mek a ni a,din tirh khan reilote chhung chu Department enkawlna hnuaiah kalpui niin a hranpaa a enkawlna tur fund a awm loh vangin harsatna tawh a ni a,chumi a nih vang chuan amaha inenkawlna senso intum tura hmalak niin tunah hian Public Private Partnership mode hmangin Waste Tech & Bio-Energy leh mipuite nen tangkawpin hlawhtling takin tunah hian a kal mek a ni. Khawl hi shredder,baling machine,incenerator leh conveyor belt-te a awm mek a, thawktu mi 12 in enkawlin, bawlhhlawh hi nitin 50 kg bawr vel khawnkhawm thin a ni a, heng plastic bawlhhlawh khawn khawm, hman nawn theih ho hi scrap dealer hnenah hralh leh thin niin, hman nawn theih loh, hazardous waste-te hi incenerator-ah environment tana him zawk turin hal ral thin a ni. Hmannawn leh tura buatsaih thewih tawh loh bawlhhlawh thenkhat hi dalmia Cement Factory lamah lungalhthei aia hal ral tura thawnchhuah thin a ni bawk. Tunah hian Tlangnuam leh Aibawk RD Block huamchhunga khaw 23 a huam mek a ni.

CAPACITY BUILDING

National Level Training : Department of Drinking Water and Sanitation awpna hnuaiah PHED hi kal a nih angin kan hmalakna kawng hrang hrangah training neih thin a ni a, heng training-te hi SPM NIWAS, Kolkata ah Ministry lamin a buatsaih thin a, department official hrang hrangte leh consultant-te tiamin training hi online leh offline mode-in zuk neih thin a ni.

SIRD WASH Cell : Capacity Building hnuaiah WASH PMU Cell hi SIRD nen ṭangkawpin 14th December, 2023 khan din fel tawh a ni a, hetah hian WATSAN Committee-te tan training buatsaih ṭhin a ni. Kumin hian Account & Record Keeping Training chu district hrang hrangah pek tawh a ni.

WATSAN Committee Training : SBM leh JJM scheme hmanga assets siamte mipuiin an ta neiha, an mahnia in enkawla inrelbawl vek a la ngaih dawn vangin WATSAN Committee te tan training buatsaih thin a ni a, kumin hian district 3 chhunga khaw 177 te tan buatsaih tawh a ni a, a bak zawngte hi sum awm remchan leh huna tuam chhuah vek tura ruahman a ni. Heng training-ah hian WATSAN Committee te hmalakna turin Operational & Maintainance, 15th FC leh topic dang dang hmangin pek ṭhin.

SBM Academy : WATSAN Committee leh Swachhagrahi ten mahni khaw lama faina campaign an kalpuina leh hmalakna kawng hrang hrangah chiang lehzuala chinchang an hriat a,SBM thil tum leh nihphung,hmalak zel a ngaihna bakah zirtirna an kalpui thiam nan SBM Academy buatsaih a ni a,heihi IVRS hmanga zir tur niin pass chhuak te certificate neih theihna a ni. Tunah hian Mizo tawnga buatsaih zawh tawh a ni a,Ministry lama Capacity Building lam leh BSNL lam nen tangkawpin hmalakna kalpui a ni a, Mizo tawnga hmang ngeia zir theiha Ministry lamin min buatsaih theih hun tur nghah mek a ni.

INFORMATION, EDUCATION & COMMUNICATION (IEC)

Events : Hmalakna hrang hrang kaihhnawiha ni bik a awmin darh zau zawk leh campaign belhchhahna remchang atan hunpui buatsaih thin a ni a,heng niah te hian uar lehzualin hmalakna puanzar thin a ni. Chungte chu Faina Thlentute Ni (19th December), World Water Day (22nd March), Swachh Bharat Diwas (2nd October) leh World Toilet Day (19th November) te hman a ni.

Naupang Fai Duh Pawl : Faina campaign hi a bulthut atanga inzirtir ngai a nih vangin Mizoram thingtlang khaw tinah NFDP-te hi din tura hmalak mek a ni a, Executive Engineer/Member Secretary, DWSM hriatpuinaa indin hi khaw 139 an awm tawh a, SBM-G hnuaia Swachhagrahi-te enkawlna hnuaiah tunah hian kal mekin, anni kaihhruaina hnuaiah faina lam zirtirna,faina hnatlang,luihnar thingphun leh hnamzia inzirtirna thlenga kalpui thin a ni. NFDP hian dan hran a nei a,naupang kum 5 atanga kum 13 thleng tel theiha siam niin a hlawhtlinna tunah hian kan hmu chho tan mek a ni.

SBM Ambassador : IEC Campaign kaltlanga mipuite laka zirtirna kan pek ten an rilru a hneh lehzual theih nan SBM Ambassador (Faina Palai) ruat a ni a, palai atan hian PC Lalnunzira (Zira PC), Social Activist leh Youtuber lar ruat niin tunah hian social media platform hrang hrang kaltlangin zirtirna neih thin a ni a,hengah hian zirtirna a pek piah lamah SBM hmalaknate tih lar hna a thawk thin bawk. Palai hi tun financial year chhunga thawk tura inremna siam a ni.

Chawimawina : PHED hian a hmalakna kawnga mimal thawk thate,anmahni thua zirtirna lo kalpui emaw tlawmngaih chhuaha mi thahnem ngaite chawimawina a khat tawkin a nei thin a,chungte chu faina lama mimal thawk tha Faina Thlentute leh tuihna humhalna lama hma la thate an ni. Anni hian department an thuam chak a,hei bakah hian midang ten heng chawimawina buatsaih behchhan hian faina leh tuihna humhalhna kawngah thahnem an lo ngaih lehzual theihnana zirtirna remchang a nih vangin heng chawimawina te hi buatsaih thin a ni a,dept in heng atan hian hunpui buatsaihin chawimawina hi a hlan a ni.

CYMA nen thawhhona thuthlung : Kum 2012 atang khan PHED hnuaia hmalaknate tha chak lehzuala kalpui a nih theih nan Central YMA nena thawhhona thuthlung siam a lo ni tawh a,a hranpain Coordination Committee din niin, tunah hian Er. H. Duhkima, Director, PMU, PHED chu Coordination Committee Chairman a ruat niin, CYMA nena thawhhona zarah hian department hmalakna kawng tam takin kori a tu a,faina hnatlang leh tuihna humhalhna chungchangah hmasawnna tamtak a thlenin mipuite mimir huap telin hna a kalpui theih phah a, he thawhhona vang hian India ramah pawh mipuite tha thawh tamna (community participation) ah kan thangthat phah hle nghe nghe.

Intihsiakna : Mipui mimir project huanga an tel tam theih nan leh thiam thil bik neite,an thiamna hmanga campaign huangchhungah hman tangkai a nih theih nan intihsiakna buatsaih thin a ni a,hengte hi mipui hip thei tur duan thin a ni. Kumin chhunga intihsiakna hrang hrang kan buatsaihte chu Jingle making, painting, waste upcycling, slogan, social media challenge (bawlhhlawh a huhova inthenfai tam siak,tihfai hma leh tihfai hnu video in an siam) te a ni a,intihsiaknaa an thehluh hi campaign hmanrua atan hman tangkai thin a ni.

Stop Diarrhoea Campaign 2024 : July ni 1st aṭanga August ni 31st chhung khan India ram pum huapin khawṭhalo natna umbo na tur stop diarrhoea campaign kalpui a ni a. He campaign hian kum 5 hnuai lam leh tar chaklo khawṭhalo vanga thi awm thinte umbo a tum a, he campaign hi sawrkar laipuiin sawrkar department hrang hrang zingah hma la tur bik atan Women & Child Development Dept, H&FW Dept, RD Dept, Education Dept leh PHE Dept te chu a ruat a, he campaign hun chhung hian PHE Dept chuan tui thianghlim lo vanga natna awm ṭhinte umbo nan leh faina lama hmasawna tur a thar thawh a ni.

Swachhata Hi Seva :

Kum 2017 aṭanga hman ṭan tawh, hnampa Mahatma Gandhi pianchampha puala hman ṭhin, kar hnih chhung faina beihpui thlakna Swachhata Hi Seva (SHS) chu kumin hian hlawhtling takin September 17th aṭanga October ni 2nd thleng khan hman a ni a. He hunpui chhung hian faina lam hawi activities hrang hrang – mahni khawbul hnaia hmun ṭawp lai bik thenfai (Cleanliness target unit), hnatlang, kawngzawh, quiz competition, marathon, awareness campaign, thing phun, vantlang ṭhutkhawm, waste to art exhibition, adt. Heng ho bakah hian faina lama kan hmatawng Sanitation Worker (SafaiMitra)-te tan an hamṭhatna dawn theihna hun leh an hriselna endikna hun mai bakah PPE kits sem chhuahna hunte buatsaih a ni.

A hnuaiah hian he campaign hun chhung a activities hrang hrang khaikhawmna dah a ni.

• Faina hapta puala mipui thawk chhuak zawng zawng – Mi 52,524
• Faina lama hnathawktute healh checkup nei zawng zawng zat – Mi 2,804
• Thingphun zawng zawng zat – 3,293

Toilet Day Campaign 2024 :

Kumtin in November ni 19th hian khawvel pumpuiah United Nations Organization bul tumin World Toilet Day hman ṭhin a ni a, he ni pual hian Sawrkar leipuiin thuchhuah a neih angin November ni 19th aṭanga December ni 10th thleng awh campaign neih a ni a, He ni hi khawvel invawn thianghlimna lama hun khirh thleng chho mek hmachhawn tura mipui chawk phur thar tura inzirtir leh inhrilhhriatna hunah hman ṭhin a ni.

He hun chhung hian mimal ek-in (IHHL) nei ṭha lo te ek-in sak ṭanpuina dawng tur thlan chhuah hna thawh niin chhungkaw 1242 te chu IHHL fund dawng tura thlan chhuah an ni. Hei bakah hian he campaign hun chhung hian IHHL fund hmanga ek-in sa ṭha te chawimawina hun hman niin vantlang inthiarna (CSC) sa ṭha ber khua hnenah pek an ni bawk. He campaign hi District tinah Deputy Commissioner te kaihhruai a hmalak a ni.

IEC Campaign dang : IEC Campaign hi SBMG hnathawhah hian a meizang hlaptu pawimawh tak a nih vangin kawng hrang hranga hmalak a ngai a, mipui mimir rilru sukthlek atanga bul tanin, mi hneh thei tur leh an mamawh dan tur tak bakah hriatna an tlakchham lai hrechiang chunga zirtirna pek a ngai hle. Chumi thleng tur chuan dan hrang hrangin zirtirna hmangin run an ngai thin. Hetah hian IEC Campaign chu social media lamah milar (influencers) hmanga kal a ngaih chang a awm a,tin bik neiin zirtirna Public Service Announcement (PSA) video hmang ten, radio jingles, Print Media (leaflet, pamphlet, newsletter, adt), Outdoor media (wall painting, hoardings, banner, poster, signboard, adt.), Documentary, talk show, assets branding leh thil dang, zau zawka mipuite beng thleng thei turin a kal thin a, tunah hian content calendar nena inruahmanin Social Media campaign hi urhsun leh nghawng tha nei lehzual tur zirtirna kalpui tum mek a ni. IEC campaign vang hian kawng tam takah kan hnathawhten rah tha a chhuah mekin a lang a, hei bakah hian IEC hian zirtirna chauh lo kan hnathawh hrang hrangte vawn that a,kan hlawhtlinnate mipuiten chiang leh zau zawka an hriat nan a puangzar thin a, hlawhltinna kan neih hian mel lung kan phun mai bakah a bak kal leh zel thei turin min cho phur thin, chutiang chuan kawng hrang hrangah hma a la a ni.

WATER QUALITY INITIATIVES

PHE Department chuan tunah hian Mizoramah kan lui tuite an nihzia (quality) endikna leh vilna turin laboratory hmun hrang hrangah a nei mek a, state level a hman turin SRI, Tuikhuahtlang-ah pakhat nei mekin, District hqrs. tinah leh Sub-Divisional 15-ah tunah hian a nei mek a ni. Kumin chhung bikah a building thar hmun nga (5) ah te sak ṭhat a ni, chungte chu Saiha, Lunglei, Serchhip, Hnahthial, Aizawl District Lab (Laipuitlang) te niin, building thar hi hawn tawh a ni a, tin, Khawzawl leh Saitual District Lab-te chu peih fel thawkkhat tawh niin, kumin chhunga hawn mai theih tura buatsaih a ni.

National Accreditation Board for Testing & Calibration Laboratories :

NABL hi India rama tui lam laboratory-te accreditation buaipuitu autonomous body an ni a, an tum ber chu laboratory-te International standard a thlirin a tha tawk em? An test result a dik tawk em? tihte an endik thin a ni. Laboratory ten field hrang hrangah test an paltlang a ngai a,chungte chu :-

1. Food and Water Testing

2. Environmental testing

3. Medical testing

4. Materials testing

5. Calibration services

Mizorama PHE Department hnuaiah NABL Accreditation hmu tawh hi State Referral Institute, Tuikhuahtlang leh Champhai District Lab-te an ni a, kumin chhung hian apply mek 6 awmin chungte chu Saiha, Lawngtlai, Lunglei, Serchhip, mamit leh Aizawl District Lab (Laipuitlang) te an ni a, hengte hian accreditation hmu thei mai tura ngaih mek a ni.

Tui nihzia endik (monitoring) :

Kumtinin vawi 2 neih thin a ni a, chu chu fur thlen hma leh thlen hnu (Pre & Post Monsoon) ah te neih thin a ni. Hetah hian khuain tui kan tlan zawng zawng, in tinin an dawn tur zawng zawng, sikul leh Anganwadi te dawn tur zawng zawng nen tui thianghlim an dawn ngei theih nan endik vek thin a ni a, he endikna hi JJM Water Quality Monitoring Information System lamah report kimchang pein update zel a ni.

Tui quality chungchangah complaint emaw issue a awmin heng thlennaah hian a hmuna va kalin a rang thei ang bera test in neih thin a ni a, hei bakah hian tui lakna hnar zawng zawngte faina lama endikna pawh neih fo a ni bawk.

Training : Thingtlang khuaa tui leh ilo enkawl hi department kuta awm lovin khawtina WATSAN Committee ten an enkawl tawh a,hengah hian an kut zalah thil tam tak a awm tawh a vangin tui quality check thlengin an thiam ve vek a ngai a, chutiang thiamna an neih theihna tur chuan thingtlang mite hnenah hian tui quality check dan zirtir vek an ni. Hemi atan hian Field Testing Kit (FTK) pek vek an ni a, hemi hmang hian anmahni tui tlante chu an test thin a, hetianga thiamna an neih hian tui thianghlim hlutna leh lui tui ngaih pawimawhte, an tui pump-na bungrua ilo thlengin hlutna chang an hriat phah a, tunah hian WATSAN Committee te tan chauh lo,mipui mimir leh sikul naupang lam thleng pawhin hetianga mahnia tui quality test dan zirtirna hi kalpui reng a ni.

Nitinin, darkar tin mipuite hnena tui semchhuah tur, tui pump luh leh reservoir ami hi endik fo thin a ni a, hetah hian mipuite hnena tui semchhuah tur chuan, ei atan tui thianghlim leh him a ni em tih ennawn fo thin a ni a, hemi thleng tur hian Zonal/Distribution tanky lamah chlorination te tih thin bawk a ni a, 0.2 ppm (Parts Per Million) a kai leh kai lohte endik thin a ni.

IEC Campaign : Thawktu lam atangin tui thianghlim pawimawhzia, tui thianghlim neih dan, tui thianghlim lo vanga natna thleng thei leh a pumpelh dante zirtirna public meeting, real time communication leh social media hmangten neih thin a ni a, hei bakah hian National level Onsite & Online training on Water Quality Monitoring & Surveillance te pawh a khat tawkin thawktuten an nei fo thin a ni.

PROJECT HMABAKTE

Swachhata Green Leaf Rating System (SGLR) : Kum 2023 khan Department of Drinking Water and Sanitation leh Ministry of Tourism ṭangkawpin Travel for LIFE Campaign hnuaia a buatsaih, khualzinte chawlh hahdamna hmun, khualbuk hrang hrang hotel, homestay, lodge, resort leh khualzinten man chawia an thlenna hmun tawh phawt huam telin faina lama endikna tur dan thar duan a ni a, heng khualbukte hian faina chungchanga an hmunhma na buatsaih dan thuah sawrkar laipui kaihhruaina hi an zawm ṭhat leh ṭhat loh tehna tur a ni. Heng khualbuk endik tur hi mimal, pawl, vantlang emaw sawrkar enkawl pawh a huam ang. An tih ṭhat dan a zirin 1 leaf, 3 leaf leh 5 leaf te pek an ni ang a, chu chu DC kaihhruaiin District Level Committee hnuaia SBMG team leh Tourism Department ṭankawpna hnuaiah a thlanchhuah hna thawh a ni a, a endikna nei turin Verification Sub-Committee, pawh anni hian an din bawk a, SDO Sadar kaihhruaiin endikna hi neih a ni. Endikna thlur bik hi Solid Waste Mangement, Faecal Sludge Management leh Greywater Management te an ni a, heng huangah hian infrastructure an neih ṭhat danah te, faina kawnga an chet fel dan, faina kawnga chin dan phung an kalpui dan leh an khualbuk huangchhunga zirtirna an kalpui danah te a ni. Tunah hian endikna hi neih mek a ni a, endik tawh chinah khualbuk 26 te chuan ratings pek tawh an ni a, hetah hian 5 leaf hmu pha khualbuk 6 awmin, 3 leaf hmu pha 16 awmin, 1 leaf hmu pha hi 4 an awm bawk a ni.

Mizoram Rural SWM Rules : Tunah hian Mizoram Rural Sanitation bylaws chu draft mek a ni a, a hmain Local Administration Department hmalaknain Village Sanitation Rules chu a lo awm tawh a, mahse a huam zau tawk lova, hremna chungchangah a ai a na zawka kenkawh tum a nih vangin ṭha zawk a thuam mek a ni a, heihi 2025 a hman ṭan theih tura buaipui mek a ni.

Plastic bawlhhlawh Shedule of Rate (SOR) leh Plastic Bituminous Road : Sawrkar laipuiin thu a tihchhuah angin plastic bawlhhlawh hi kawng siamnaa hman tur a ni a, hemi chungchangah hian high level co-ordination Committee din niin, department dang nena ṭangkawpa hmalak tum a ni. Hetah hian convener atan PHED Joint Secretary ruat a ni. Tunah hian hmalak theih turin SOR hi buaipui mek a ni a, tun aṭanga reloteah plastic bawlhhlawh hi kawng siam nana hman thuai theih beisei a ni.

Seling leh Serchhip PWMU :

Aibawk hmun a kan PWMU project a hlawhtling thawkhat viaua a lan avangin tunah hian Seling leh Serchhip lamah PWMU hi din belh leh tura hmalak mek a ni a, he PWMU hi department-in enkawl lovin PPP mode-in mimal nen ṭangkawpa enkawl tum a ni a, hei hian Rural area chauh ni lovin urban area pawh a huam tel ang. Seling PWMU bik hian Darlawn RD Block leh Thingsulthliah RD Block huamchhung a thingtlang khua zawng zawng (35) a huam ang a, Serchhip hian an District chhunga

E.Lungdar leh Serchhip RD block a thingtlang khua awm zawng zawng (36) bakah Urban area 4 pawh a huam ang a, Green Herd Pvt. Ltd nen ṭangkawp a kalpui. Tunah hian building sakna tur leh khawl mamawhte sum fai pekchhuah vek tawh a ni a, tun FY tawp lamah hi chuan hman ṭan theih tura beisei a ni.

Individual Household Latrine : IHHL (mimal ek in ) hi kumin hian chhungkaw 2739 hnenah pek tawh a ni a, unit khat hi Rs 12,000 man a ni. Tunah hian 2nd tranche dawn leh hunah chhungkaw 3000 chuang sak leh tura ruahman a ni.

Bawlhhlawh khawnte tan NAMASTE Scheme :

National Action for Mechanised Sanitation Ecosystem (NAMASTE) Scheme hi Department of Social Justice and Empowerment enkawlna hnuaia awm a ni a, he scheme-in a tum ber chu tuichhe luan kawr leh septic tank bakah helam hawi faina kaihhnawih hnathawkten, an hna an thawhna vanga thihna a awm lohnan a ni a, chu a chhapah ek paih hna thawkten an kut lawnga mihring ek an khawih ngai lova hmanraw ṭha zawk chhawmdawl an nih theih nan a ni. He scheme hi Ministry of Housing and Urban Affairs, Department of Drinking Water and Sanitation leh Ministry of Panchayati Raj te nen ṭangkawpa kalpui tur a ni.

20th June, 2024 a Standing Committee in a rel angin, a hmaa Sewer leh Septic Worker-te tan chauha hmalakna duan kha, Wastepicker (bawlhhlawh khawntu) te chu component thara telh an ni a, kum 2024-25 FY aṭanga heihi kalpui tura ruahman a ni. He scheme hnuaiah hian bawlhhlawh sakhat (solid waste) kaihhnawiha thawktu, heng khawnkhawm hnathawk, hman nawn leh tura buatsaihtu leh a thliarhrangtu chenin hamṭhatna siam sak tur a ni a, heng lama hnathawkte hi Mizoram thingtlang lama zawnchhuah hna leh a vilven hna thawk turin sawrkar laipui chuan ruat bik a nei a, Mission Directort, SBMG chu State Nodal Officer niin, District lama Nodal Officer ni turin, DLAO, LAD Department lam ruat an ni bawk. Zokhaw lama VCP leh pawl hruaitu bakah SBM-G hnuaia Swachhagrahi tura inpe-ten a dawng awm an lo zawngchhuak ang a, hengte hi nodal officer-te hnenah thehluh leh tur a ni.