INAUGURATION OF TUIDAM WATER SUPPLY SCHEME (SOLAR PUMPING) : MAMIT
Dated : Mamit The 25th of October, 2024 : Vawiin khan Tuidam khua, Mamit District-ah Tuidam Water Supply Scheme (Solar Pumping) hawnna neih a ni a, Er. Lalrothanga Engineer-in-Chief, PHED, Mizoram chu khuallian niin, hawnna hun a hmang a ni.
Er. Lalrothanga chuan Tuidam Water Supply Scheme (Solar Pumping) chu hawnna hun a hmang a, a hmun te a fang kual nghal a, hemi zawh hian Tuidam Community Hall-ah hun hman chhunzawm a ni.
Programme hi Er. Helen Saibuangi, Sr. Executive Engineer, PHED Mamit WATSAN Division kaihhruaina in hman chhunzawm a ni a, Rev. B. Lalnunhlua chuan tawngtaina in hun hlanna a nei a ni.
Technical Report felfai tak Er. Malcolm Lalhmingliana, Sr. Sub-Divisional Officer, PHED Mamit WATSAN Division hnen atangin ngaihthlak a ni a, Pu K. Vanlaldika VCP cum Chairman Tuidam WATSAN Committee hnen a tangin thusawi tawi ngaihthlak bawk a ni.
Chief Guest hnen atangin thusawi ngaihthlak a ni a, Er. Lalrothanga chuan kalkhawmte chungah lawmthu sawiin, kalkhawmte hnenah Water Supply Scheme (Solar Pumping) in Tuidam khua tana hmasawnna a thlen dan tur te sawiin, a enkawl chhunzawm kawngah pawh uluk taka hma la turin a sawm a, tui pawimawhna te a sawi mai bakah an tui lakna enkawl kawngah pawh sawrkarah innghat ringawt lovin mitin in mahni mawhphurhna a ngai vek turin a sawm a ni. Tui hnar enkawlna kawngah tun aia hma la zel a, tui thianghlim, rilru thianghlim leh thlarau thianghlim nei zel turin kalkhawmte a chah a ni.
Programme karlakah hian ICON top 5 J. Lalrosanga chuan zai mawi tak hmangin min awi bawk a ni.