SERCHHIPAH SWACHHATA HI SEVA KHAR A NI

PHED Serchhip

Dated Serchhip, the 2nd October, 2024:

Vawiin khan Serchhip DC Pu Paul L Khuma hoin Serchhip DC Pisapui Hall ah Swachhata Hi Seva kharna inkhawm neih a ni. DC Pu Paul L Khuma chuan faina beihpui Swachhata Hi Seva kharna inkhawm hmangtute chibai bukin fai a pawimawhzia leh kan nunpui tur a nihzia zirtirtu ni turin a sawm a. Faina beihpui hi nitin, kartin, kumtluanin kan hmang tur a ni, a ti a. “Fai hi keimahni theuhah bul i tan ang u”, tiin kalkhawmte a sawm a ni.


Swachhata Hi Seva hun hman chhung September 17 atanga October 2, 2024 chhungin inelna hrang hrang buatsaih niin vawiin program ah hian lawmman sem a ni a. Serchhip khawpui chhunga veng fai inelna ah Vengchung Village Council chu veng fai berah thlan a ni.

Best Performing Village Council (hma la tha leh hnatlang thawkchhuak tam)

  1. Pakhatna – Hmar Veng VC
  2. Pahnihna – P&E VC,
  3. Pathumna – Chanmari VC te an ni.

PHE Department buatsaihin Swachhata Hi Seva neih chhunga faina kawnga hma la tha ber khaw pathum thlanchhuan an ni bawk a.

  1. Pakhatna – Vanchengte
  2. Pahnihna – Keitum
  3. Pathumna – Chhingchhip Venghlun te an ni.

Serchhip Town area chhung ah hmun bal zual tihfai tur Blackspot hmun nga tihfai a ni a. Blackspot tifai tha berah Chhiahtlang North VC te thlan an ni.

Heng bakah hian SHS-2024 puala Inter-School Competition (Essay Writing, Painting etc) leh College Level ah Reels making competition buatsaih a lawmman dawngtu te chawimawina hun hman a ni bawk.

Thil chhia paih mai tur atanga thil tha leh hman tlak siam chhuah Waste to Art Exhibition neih nghal a ni a. Serchhip DC Conference kawtah he exhibition hi neih a ni.

Swachhata Hi Seva Faina beihpuiin a ngaihpawimawh em em te chu bawlhhlawh paih fai leh thianfaitu Safai Mitra te an ni a. Vawiin chawhma dar 11 atang khan Safai Mitra te tan a thlawna inentirna Health Camp chu DC Complex ah neih a ni bawk.

Program hi Addl. DC Pu Lalrinzuala’n a kaihruai a. DUDO Dr Marilyn Lalruatkimi’n presentation a pe a, PHED aiawh Laldingliana, DEO in (Rural activity) report a pe a, SDO (Sadar) Pu F Lalnisai’n lawmthu sawiin hun hnung a khar a ni.