MEETING ON WATER DISTRIBUTION LINE EXTENSION & PLASTIC WASTE MANAGEMENT CENTRE THENZAWL AH NEIH A NI.

Ni 18th September, 2024 (Nilai ni) khan Er. Isaac Lalchhuanmawia, Sr. Executive Engineer chuan Thenzawl a VC hrang hrang te ko khawmin Thenzawl PHED Site Office ah meeting a neihpui a, he meeting ah hian Thenzawl West, Thenzawl Vengthar, Thenzawl Kanan leh Thenzawl East aiawh te kim takin an tel a ni.

Sr. EE chuan Thenzawl khaw pawimawhna leh khaw thang duang tak, Tourist hmun tha tak tak awmna anih avangin khawtlang hruaitute pawh rilru zau tak pu a Sawrkar Department hrang hrang te thawhpui zel turin a sawm a. PHED in Water Supply a hmalak dan leh kalpui zel tum dan hrang hrnag te sawiin, AMRUT hnuaiah pawh Reservoir lian tha tak siam zawh tawh a nih thu te, Thenzawlin tun aia hnianghnar zawka tui an neih dan tur Department ina hmachhawp a neih te a sawi bawk. Sr. EE chuan Thenzawl khua chu ground water thatna khua a nih avangin Mat tui khuah a sum tam tak sen ai chuan Groundwater lakchhuah a, mumal taka mipuite hnena sem theih tura buatsaih chu a that thu leh hemi atan hian PHED Hydrologists te rawn a hmalak chhoh tum anih thu a sawi a. VC kalkhawmte hnenah Groundwater sawngbawlna tur hmun/ram te pawh Department te lo ngaihtuah lawk sak a, ruahmanna lo siam turin a ngen bawk. Thenzawl tui lakna hnar thenkhat chu Swachhata Hi Seva puala hnatlanga lo tifai a, thing te lo phun belh turin VC te a sawm a ni.

Er. Isaac lalchhuanmawia, Sr. EE chuan Thenzawl a PHED ramah Plastic Waste Management Centre chu Green Herd Pvt. Ltd. te nena tangkawpin kalpui tum anih thu sawiin, hetah hian plastic chiah lo pawh bawlhhlawh tawihtheilo zawng zawng thingtlang leh khawpui chhung ami te sawngbawl an tum thu leh heng a lakkhawm leh buaipui zawng zawng Green Herd Pvt. Ltd. an tih dawn thu a sawi a. Thenzawl VC hrang hrang ten theihtawpa lo support turin a sawm a ni.

VC aiawh hrang hrangte hnen atangin an mahni area theuh a harsatna an neih te bakah an hmalak dan te ngaihthlak a ni a. Tui Connection la neilo VC area hrang hrang ami ten an neih theih dan tur ruahmanna siamin, a hmunah VC te nen kalin enfiahna neih nghal a ni a.

Enfiahna neih a nih zawh hian Plastic sawngbawlna hmun tur hi VC te bakah Green Herd Pvt. Ltd. te nen a hmunah kalin hmalak dan tur leh a hmun hma te enfiahna hun neih a ni bawk.

VC kalkhawmte chuan hetianga Department hotuten Department hmalakna tur an khua ngeia kal a sawihona an nei thei chu lawmawm an tih thu sawiin, chhunzawm zel theih nise an ti a ni. Sr. Executive Engineer hi Er. Vanlalmuanawma, SDO Serchhip leh Samuel Lallawmzuala, District Coordinator te’n an tawiawm a ni.