ORIENTATION WORKSHOP : LAUNCHING PROGRAMME ON SWACHHATA GREEN LEAF RATING SYSTEM

PHED Mamit

Vawiin Dt. 29.08.2024 (Thursday) hian DC Conference Hall, Mamit ah Public Health Engineering Department leh Tourism Department tangkawpin an buatsaih Swachhata Green Leaf Rating System chu Launching Programme leh Orientation Programme neih a ni.

Programme hi First Session leh Second Session-a then a ni a, First Session hi Launching Programme niin, Er. Helen Saibuangi, Sr. Executive Engineer, PHED, Mamit cum Member Secretary, District Water & Sanitation Mission chuan a kaihruai a, Pu Jacob Lalawmpuia Deputy Commissioner cum Chairman, District Water & Sanitation Mission chu Swachhata Green Leaf Rating System hawnna hun nei turin a sawm a, DC hian Member kal te chu self-introduction neih tirin, hemi zawh hian Swachhata Green Leaf Rating System hawnna a nei nghal a ni.

Second Session hi Orientation Programme niin, Pi Carolyn L.B. Khiangte SDO (Sadar) Mamit cum Chairman Verification Sub-Committee chuan a kaihruai a, Er. Malcolm Lalhmingliana, Sr. Sub-Divisional Officer, PHED, Mamit WATSAN Division cum Member Secretary, Verification Sub-Committee chu Orientation nei turin a sawm. Pu Malcolm-a chuan Swachhata Green Leaf Rating System tehfung hrang hrang te sawifiahna hun neiin, Swachhata Green Leaf Rating System hi ODF Plus hnu a next step hmasa ber a nih thu te a sawi a. Tourism hi Mizoram tan a pawimawh zia leh he hmalakna hian khualzin hipna kawngah pawh hma a sawn tir hle dawn niin a sawi a ni.

Khualbuk endik tur te chu Public Health Engineering Department, Mamit leh Tourism Department lam ten anlo thlang chhuak ang a, endik tur te hi a hranpa in Orientation neih pui leh tura tih a ni.