Swachhata Green Leaf Rating in Hospitality Facilities Orientation Training neih a ni
Vawiin Dt.20th August 2024 (Thawhlehni) hian DC Conference Hall, Kolasibah Public Health Engineering Department leh Tourism Department tangkawpin an buatsaih Swachhata Green Leaf Rating in Hospitality Facilities Orientation Training neih a ni a, Er Lalrosangi, Sr Executive Engineer PHED Kolasib WATSAN Division chuan Training hi a kaihruai a, Kolasib District Bawrhsap Pu Robert C. Lalhmangaiha ,SGLRS District level Committee Chairman ni bawk chuan Orientation Training hi a hawng a ni.
Vawiin a Training hawngtu, SGLRS Chairman, Kolasib DC Robert C Lalhmangaiha chuan kalkhawmte hnenah thu sawiin tunlai ah khawchin avangin Kolasib ah harsatna , a bik takin inkalpawhna ah tawh a ni a. Amaherawhchu heng harsatna te hi sukiang turin theihtawp in hmalak mek a ni, a ti. Vawiin a an training neih chu thil pawimawh tak a ni a, Kolasib chu Mizoram District dang nen chhut in ram pawn lam mi khualzin tam na ber pawl a ni a, Mizoram kawtchhuah kannih angin Mizoram hmel lanna hmasa kan nih na chen a awm a ni, a ti. Vawiin a Training tura kalkhawm khualbuk neitute chu an pawimawhna hria a , an hmunhma te a thianghlim tha tawk em tih in enfiah a, faina vawng nung zel turin a chah a, SGLRS Verification Team ten an hmunhma te enfiah a rating an pek tur thu a sawi bawk.
He hunah hian Pu Malsawmtluanga, District Co-ordinator, SBM(G) Kolasib chuan vawiin an hun hman chhan tlangpui neiin report a pe a. Report pekna neih a nih zawh hian Training a kalpui nghal a ni.
Swachhata Green Leaf Rating hi Department of Drinking Water and Sanitation leh Ministry of Tourism-in Travel for Life Campaign hnuaia a hmalakna thar a ni a, khualzinte chawlh hahdamna/thlenna hmun (Hospitality facilities) hrang hrang a faina lama kaihhruaina duante an zawm that leh that loh tehna tur a ni a. Heng chawlhbuk thlanchhuahte chu pawl emaw mimal enkawl pawh a huam vek dawn a, tourist-ho hmunhmate vawn fai lehzual a nih theih nan ruahmanna hi siam a ni.
He rating system kalpui dan tur hi thuang thumin then a ni a, chungte chu Orientation phase, Voluntary declaration phase leh verification phase-te an ni a. Orientation phase ahhian PHED leh Tourism Department ten Training an buatsaih anga, Voluntary declaration phase ah thung erawh Current Certification Status CSS form an dawn ah anmahni in mark an in pe hlawm dawn a ni. Heng an mark in pek te hi District Level Committee ah submit a ni anga, District Level Committee hian Verification Sub Committee ah an thawn chhawng leh anga Verification sub committee hian site visit an nei zui bawk ang.
Vawiin Training ah hian Officials te Kolasib District hmun hrang hrang, Kolasib, Bairabi ,Kawnpui, Vairengte, Serlui etc a khualbuk neitute an kalkhawm a ni.
